rKTs

e-texts navigator

Volume

Page

3b₁ pa'o/ /chos rnams kun gyi rtsa bar gyur pa ni/ byang chub kyi sems mi 'gyur ba rdo rje nam mkha' mnyam pa nyid do/ /sa bon ma dag pa las 'gro ba 'khrul pa kun nas nyon mongs par snang la/ bag chags dag las 'khrul pa las log pa/ rnam par byang ba nyid du yang
3b₂ dag par snang ba'o/ /phyi rol pas brtags pa'i tha snyad sna tshogs pa bdag tu brtags pa de las/ rtog pa gnyis su gyur pa ste/ gzung 'dzin du 'byung ba'o/ /bdag dang gzhan ni bdag dang bdag gi bar 'dzin pa gnyis su brtags pas/ dngos po dang mtshan mar 'dzin pa/
3b₃ sems su rig par byed pa nyid do/ /de las rnam par shes pa nyid du snang / de nyid du chos nyid kyi rlung las/ 'od snang rang byung gi snang bar shar ba'o/ /der las rlung las kun du g.yo bas/ chags pa las me byung / bsrub pa las zhe sdang gi chu snang / drod gsher las gti mug
3b₄ gi sa'i khams bskyed cing / der 'byung ba lnga lhan cig tu tshogs shing 'dus pa las/ rtsa kun gzhi'i rig pa snying ga tsam du brten te/ de las gzung 'dzin du 'khrul pa las/ de rnams 'dus pa las phung po lnga dang ni skye mched drug dang yul lngar snang ba ste/ de nyid rlung dang rnam
3b₅ shes tha dad med par nye bar 'dres pas/ 'gag pa med pa kun du snang brten cing 'brel par 'byung ba nyid du'o/ /chos nyid rtog med kyi ngang las/ rlung dang lhan cig tu 'byung bas/ srid pa bar dor yul la spyod tshul ni/ de nas rnam par shes pa gsum gyi ni/ rkyen las 'char
3b₆ ba'i snang ba dang / snang ba mched pa dang / snang ba mched pa dang / snang ba thob pa ste/ rgyu'i rkyen dang / dmigs pa dang / dbang po bdag po dang / mtshungs pa de ma thag pa las/ mngon par 'byung ba/ rtog pa dang ldan pa'i rang bzhin gyi snang ba/ rang bzhin sum cu rtsa gsum dang / mtshan nyid bzhi bcu
3b₇ dang ma rig pa'i skad cig ma bdun du rab tu gsal bar nyin dang mtshan du spyod pas/ rjes su nyams su myong bar byed pa ma dag pa'i dus so/ /yang rlung dal zhing rig pa cung zad gnas pa'i tshe/ snang ba gsum gyi rgyu 'bras thams cad sgyu ma lta bur gyur pas/ rang bzhin rnam pa thams

_{iiif viewer powered by OpenSeadragon}

3a - 4a

Texts on this page