rKTs

e-texts navigator

Volume

Page

12a₁ chub sems dpa' sems dpa' chen po dpag tu med pa dang / de bzhin gshegs pa 'dus pa'i gsang ba bla na med par dbang bskur ba/ sku gsung thugs rdo rje'i snying po gsang ba chen po yongs su dag cing ye shes yongs su dag pa thob pa ni/
12a₂ dkyil 'khor ma lus pa'i yon tan phrin las mi zad pa rgyan gyi 'byung gnas su gyur pa/ spro ba dang bsdu bar mdzad pa/ spros pa med cing snang ba rnam par dag pa de nyid la gnas pa ni sbyor ba dang po zhes bya'o/ /byams pas gsol pa/ dkyil 'khor rgyal po
12a₃ mchog ji ltar du ston par 'gyur ba lags/ bcom ldan 'das kyis bka' stsal pa/ /'di nyid tshad med dkyil 'khor du/ /de bzhin gshegs pa'i sku gsung thugs/ /rdo rje bla na med pa'i mchog /rten dang brten par bcas pa yi/ /bde gshegs pho brang snying
12a₄ po ni/ /'dod pa khams kyi 'gro ba rnams/ /ri rab chen po'i steng du ni/ /khang bu brtsegs pa ga la bar/ /dbang po brgya byin 'khor bcas pa/ /nye dbang sum cu rtsa gnyis sogs/ /rin chen rang byung mchod sprin ldan/ /dbang bskur rim pa ston par mdzad/ /
12a₅ dbang phyug u mar bcas pa dang / /tshangs pa khyab 'jug gdong drug sogs/ /'dul phyir yul dang dbang po ni/ /gnyis med mnyam par sbyor ba las/ /longs spyod bde ba'i spyod pa yis/ /rnam par dag pa bya ba'i phyir/ /dkyil 'khor du ni 'jug par mdzad/ /
12a₆ de nas dag khams de nyid du/ /de bzhin nyid kyi ngang las 'das pa yi/ /byang chub sems mchog rdo rje bla med pa/ /zil gnon rdo rje ting nge 'dzin la zhugs/ /dbyings dang ye shes dbyer med mnyam nyid dang / /rnal 'byor bde chen mngon par byang chub pa/ /nyi zla pad+ma A
12a₇ li kA li bcas/ /thugs gsung sku yi rdo rje de nyid las/ /'od spros 'jig rten khams su khyab gyur pas/ /brtan g.yor bcas pa yongs su dag par gyur/ /byin gyis brlabs kyi snang ba'i rgyud sbyangs pas/ /'gro ba rdo rje sems dpa'i go 'phang bkod/ /bde

_{iiif viewer powered by OpenSeadragon}

11b - 12b

Texts on this page