| e-texts navigator |
| བོད་ཡིག |
41b1 'gyur/ /rkang mthil 'gul na ring na gnas pa yin/ /gang na gter yod zer bar mngon byas nas/ /rig pa 'dzin pas nyin bzhin 'og tu blta/ /gang yang byi ba mchu phyi ma na/ /gu gul dang ni bcas pa byugs tsam gyis/ /glang chen myos pas gsal zhing bde bar
41b2 'byung / /shin tu gnag pa'i khyi mo yi/ /'o ma bsrubs nas mar sar gyis/ /bskus nas rnga lpags lham gon na/ /chu yi steng na 'gro bar 'gyur/ /sa bkong tsha nya'i tsher ma dag /bsdus nas tshang tshing khyim sbas na/ /chang rnams brlag ste phyung nas ni/ /bzang po
41b3 nyid du 'gyur ba yin/ /rdza mkhan rdza ma bsregs pa'i me/ /thog gis bcags pa'i shing btsugs na/ /de me 'bar bar mi 'gyur te/ /chang blugs slar yang 'bar bar 'gyur/ /zong la gong bstan sngags bzlas nas/ /sngon sngags tshong pa rnams bstan pa/ /
41b4 rnal 'byor pa yis tshong 'grub ste/ /tshong pa rnams las khe cher rnyed/ /chang gi sa bon byed pa la/ /spre'u'i mi gtsang bcug gyur na/ /chang snod bcas pa brlag par 'gyur/ /ba ku las bkrus spyad du rung / /ba ku la yi chus bkrus na/ /byis pa ma mas blangs nas ni/ /
41b5 'byung po skra yis bdug byas na/ /ngur smrig bskon pas sos par 'gyur/ /byis pa nu zho 'thungs skyugs na/ /rma bya'i sgro bsregs thal ba yis/ /mgul pa bcings pa byas na ni/ /sbyor ba mchog gis slar sos 'gyur/ /yad ka ba ka ni cho ga dang / /ldan pa'i zha nye byang
41b6 du sko byas nas/ /kha yi nang du bcug nas 'dug na ni/ /'ching dang mtshon cha mi byams pa las thar/ /k+Sha ma ra ya yi ge rnams dang ldan/ /yi ge kun kyang e yis brgyan pa la/ /yang dag ka ba ka yi mtha' mar ni/ /sgo nga bzhi dang tshad gsum gnyis gnyis sbyin/ /dan til
41b7 ut+pal sa ra pu ka dang / /ni tshu la dang gi ri kar Ni chus/ /lan bdun bar du bkrus pa'i zha nye yis/ /byang bu la ni blo dang ldan pas bri/ /shing sgrog lcags sgrog khri mon g.yul ngo ru/ /mtshon cha'i char 'bab pa dang gzhan dag ni/ /zhe sdang ba dag nges par 'joms byed par/ /rgyud
iiif viewer powered by OpenSeadragon
Texts on this page
D437 - 'phags pa sgrol ma ku ru ku lle'i rtog pa