rKTs

e-texts navigator

Volume

Page

27a₁ rtag tu legs mchod na/ /tshogs kyi dkyil 'khor 'grub par gyur/ /skyes pa'i thod chen cha gcig par/ /chang ni bzang pos yongs bkang ste/ /bla ma la dbul skal chen ma/ /phyag 'tshal nas ni rang yang btung / /pad+ma'i lag pas blangs pa dang / /de nyid kyi ni lag pas
27a₂ dbul/ /yang nas yang du rab 'dud pa/ /de ltar sgrub pa po yis bya/ /kye'i rdo rje las bza' ba'i le'u ste bdun pa'o// //de nas rnal 'byor mas zhus pa/ /phyag rgya chen po ji lta bu/ /kun rdzob rnam pa'i gzugs kyis ni/ /bde ba sbyin pas bshad du gsol/ /bcom ldan
27a₃ 'das kyis bka' stsal pa/ /shin tu ring min thung ba min/ /gnag pha ma yin dkar ba min/ /pad+ma'i 'dab ma'i rnam pa 'dra/ /de yi dbugs ni dri zhim ldan/ /rdul kyang dri zhim ldan 'gyur te/ /lte ba'i dri dang mtshungs/ /pad+ma la yang dbang mchog dri/ /skad cig pad+ma lta bu
27a₄ 'byung / /de yi ga pur sih+la dag /mkhas pas dri bzang mtshon par bya/ /ut+pa la yi drir 'gyur zhing / /a ka ru ni nag po mtshungs/ /dal zhing mi g.yo ba nyid dang / /snyan par smra zhing yid 'ong ma/ /skra bzang dbus su gnyer ma gsum/ /phal pas pad+ma can du brjod/ /lhan cig skyes
27a₅ pa'i gzugs can ma/ /de rnyed nas ni dngos grub 'gyur/ /de nas rnal 'byor ma bdag med mas gsol ba/ bcom ldan 'das smon lam ji ltar gdab par bgyi/ bcom ldan 'das kyis bka' stsal pa/ /rigs su skye dang dam tshig can/ /smyo med kye yi rdo rje ston/ /bla ma la gus snying
27a₆ rjer ldan/ /skye zhing skye bar 'gyur bar shog /lag pas rdo rje dril bu 'khrol/ /zab mo'i chos ni klog pa dang / /btsun mo'i khu ba mnyam bzas can/ /skye zhing skye bar 'gyur bar shog /de nas lha mo de dgyes nas/ /tshig ni 'di nyid yang zhus pa/ /skal med sems can gdul dka'
27a₇ ba/ /gang gis 'dul bar 'gyur ba lags/ /bcom ldan 'das kyis bka' stsal pa/ /dang por gso sbyong sbyin par bya/ /de rjes bslab pa'i gnas bcu nyid/ /de la bye brag smra ba bstan/ /mdo sde pa yang de bzhin no/ /de nas rnal 'byor spyod pa nyid/ /de yi rjes la dbu ma bstan/ /

_{iiif viewer powered by OpenSeadragon}

26b - 27b

Texts on this page