rKTs

e-texts navigator

Volume

Page

26b₁ nas/ /de bzhin gcer bur gyur pas kyang / /'bags pa dang ni ma dag pas/ /de nas dam tshig rab tu bza'/ /bzhin snying rje ldan pa dang / /gzugs dang lang tsho skal bzang ma/ /me tog bcas shing sgrub por dga'/ /rang gi phyag rgya g.yon du gzhag /kye'i rdo rje las
26b₂ bris sku'i cho ga'i le'u ste drug pa'o/ / //de nas de la lha mos zhus/ /bol+la kak+ko la sbyar nas/ /tshems kyis ma mchu btsir nas ni/ /glegs bam yang ni ji ltar 'gyur/ /rdo rje pad+ma mnyam sbyar nas/ /dgyes pas lha yis rab phye ba/ /glegs bam nga yis bshad bya yis/ /lha
26b₃ mo skal ba chen mo nyon/ /sbrang chen snag tsha byas nas ni/ /mi yi rus pa'i smyu gus ni/ /glegs bam sor ni bcu gnyis pa/ /gro gar dam tshig can gyis bri/ /glegs bam dang ni bris sku nyid/ /gal te skal med mthong na ni/ /skye ba 'dir ni dngos grub med/ /'jig rten pha rol spyod
26b₄ yul med/ /yang dag rab sbyin ldan pa la/ /res 'ga' tsam zhig bstan pa nyid/ /glegs bam lam gyi spyod yul du/ /skra dang mchan khung nyid du sba/ /b+ha gar ling ga rab bzhag nas/ /yang dang yang du 'o mdzad nas/ /bde chen mnyam par myong mdzad de/ /rdo rje can gyis
26b₅ bza' ba bstan/ /tshogs kyi dkyil 'khor bzo' ba ni/ /nyon cig lha mo mig yangs ma/ /gang du zos pas 'dod don kun/ /sgrub pa can gyi dngos grub 'gyur/ /dur khrod ri yi bya skyibs dang / /de bzhin mi med grong khyer dang / /yang na dben pa'am rgya mtsho'i mthar/ /bza' ba 'di
26b₆ ni rab tu bza'/ /de la gdan du brtag pa ni/ /ro yi gzugs can dgu dang ni/ /yang na stag gi pags pa dang / /dur khrod ras ni de bzhin no/ /dbus su kye rdo rje yi gzugs/ /ji ltar sngar bzhin gnas shes nas/ /phyogs dang phyogs bral dag tu yang / /de nas rnal 'byor ma rnams
26b₇ dgod/ /dam tshig mA la tin+dA naM/ /stag gi pags pa'i steng du bza'/ /'bad pas rgyal po sA lu yi/ /bza' ba der ni bza' ba nyid/ /der ni zos nas zos nas kyang / /der ni ma mo mchod par bya/ /sring mo bu mo sgyug mo dang / /gal te ma sring yin na yang / /de rnams

_{iiif viewer powered by OpenSeadragon}

26a - 27a

Texts on this page