| e-texts navigator |
| བོད་ཡིག |
22a1 mnyam pa'i rnal 'byor ma rnams kyis tshig 'di dag thos nas mchog tu ngo mtshar bar gyur cing brgyal ba dang / skrag pa dang / sa la 'gyel ba dang / 'dar bar 'gyur ro/ /yang rdo rje can gyis lha mo de rnams thams cad la gzigs nas/ bslang ba'i phyir yang dag par
22a2 bstod pa/ sa dang chu dang rlung byin za'i/ /lha mo snod can khyed nyid la/ /gang zhig sus kyang mi shes pa/ /de nyid nga yis spro yi nyon/ /bcom ldan 'das kyi gsung rmi lam lta bu nye bar thos nas de rnams thams cad srog rnyed par gyur to/ /bcom ldan 'das kyis bka' stsal pa/ /
22a3 sems can rnams ni sangs rgyas nyid/ /'on kyang glo bur dri mas bsgribs/ /de nyid bsal na sangs rgyas nyid/ /lha mos gsol pa/ bcom ldan 'das de de bzhin te/ bden yang ma mchis zhing yang ma mchis so/ /bcom ldan 'das kyis bka' stsal pa/ /gang
22a4 gis mi shes 'jig rten pa/ /btsan dug zos pas brgyal bar 'gyur/ /rmongs spangs de nyid yid kyis ni/ /de yis de nyid yongs su gcod/ /de bzhin zhi ba'i thabs shes shing / /kye yi rdo rjer ngal bsos na/ /ma rig la sogs mi 'dzin cing / /gti mug la sogs
22a5 'ching bas min/ /rang dang rang gis rtogs pa las/ /sangs rgyas ma yin sems can ni/ /gcig kyang yod pa ma yin no/ /dmyal ba byol song dang / /lha dang lha min mi rnams dang / /bshang ba'i srin bu la sogs pa/ lha dang lha ma yin gyi yang / /bde ba gang phyir
22a6 mi shes pas/ /rtag tu rang bzhin bde ba can/ /'jig rten khams ni gang du yang / /sangs rgyas gzhan du rnyed mi 'gyur/ /sems ni rdzogs pa'i sangs rgyas nyid/ /sangs rgyas gzhan du bstan du med/ /gdol ba smyig mkhan la sogs pa/ /gsod don don du sems pa po/ /
22a7 de rnams kye rdo rjer shes na/ /'grub 'gyur 'di la the tsom med/ /byis pa mi shes pas bsgribs pa/ /'di yi 'gro ba mi shes pa/ /'gro ba drug gi srid pa'i mthar/ /gang zhig rmongs pa 'khor bar 'gyur/ /rdo rje snying po snying rje che/ /kye yi rdo rje'i thabs rnyed pas/ /gang zhig yul rnams
iiif viewer powered by OpenSeadragon
Texts on this page
D418 - kye'i rdo rje mkha' 'gro ma dra ba'i sdom pa'i rgyud kyi rgyal po