rKTs

e-texts navigator

Volume

Page

20b₁ su 'gyur/ /bde ba chen po A li'i gzugs/ /rnal 'byor ma rnams de yi cha/ /rdo rje snying pos gsol ba/ rnal 'byor ma kun las byung ba/ /lhan cig skyes dga'i rang bzhin nyid/ /'grib med btung mchog nam mkha' nyid/ /ga bur nges par cis mi spang / /bcom ldan 'das kyis
20b₂ bka' stsal pa/ ji skad smras pa de bzhin no/ /rdo rje snying pos gsol ba/ thabs gang gis byang chub kyi sems bskyed pa lags/ bcom ldan 'das kyis bka' stsal pa/ /dkyil 'khor 'khor lo'i thabs dang ni/ /rang byin rlabs pa'i rim pas kyang / /kun rdzob don dam gzugs
20b₃ can gyi/ /byang chub sems ni rab tu bskyed/ /kun rdzob kun da lta bu nyid/ /don dam bde ba'i gzugs can no/ /bud med kak+ko la bde ba can/ /e ba~M rnam pa'i rang bzhin du/ /bde ba bsrung ba nyid kyi phyir/ /bde ba can zhes rab tu bsgrags/ /sangs rgyas byang chub sems dpa' dang / /
20b₄ rdo rje 'dzin pa rnams kyi gnas/ /'di nyid 'khor ba zhes bya ste/ /'di nyid mya ngan 'das pa nyid/ /'khor ba spangs nas gzhan du ni/ /mya ngan 'das pa rtogs mi 'gyur/ /'khor ba gzugs dang sgra la sogs/ /'khor ba tshor ba la sogs pa/ /'khor ba dbang po rnam nyid do/ /'khor ba
20b₅ zhe sdang la sogs pa/ /'di rnams chos ni mya ngan 'das/ /rmongs phyir 'khor ba'i gzugs can nyid/ /rmongs med 'khor ba dag pas ni/ /'khor ba mya ngan 'das par 'gyur/ /byang chub sems ni mya ngan 'das/ /kun rdzob don dam tshul can no/ /shin tu bzhin mig yangs
20b₆ ma/ /gzugs dang lang tshos rnam par brgyan/ /sngo bsangs dal ma rigs bzang ma/ /si h+la ga pur 'byung ba'i gnas/ /rang gis dbang bskur kye'i rdo rje/ /skra bzang sgrub pa po la dga'/ /der ni chang yang btung bar bya/ /de nas rang yang btung ba nyid/ /rang bzhin don ni rab
20b₇ bsgrub phyir/ /phyi nas phyag rgya rjes chags bya/ /bo la kak+ko lar bcug nas/ /kun tu ru byed brtul zhugs can/ /der ni sbyor ba las byung ba'i/ /ga bur mkhas pas mi spang ste/ /de ni lag tu mi blang zhing / /nya phyis dung chos nyid du min/ /nges par blo dang stobs kyi phyir/ /mi 'chi

_{iiif viewer powered by OpenSeadragon}

20a - 21a

Texts on this page