rKTs

e-texts navigator

Volume

Page

18b₁ nga sa la btsugs nas/ bcom ldan 'das ga la ba der thal mo sbyar ba btud nas bcom ldan 'das kyi gsung nyan to/ /bcom ldan 'das kyis bka' stsal pa/ /bza' btung ji ltar rnyed pa dang / /bgrod dang bgrod min mi spang zhing / /khrus dang gtsang sbra mi bya ste/ /grong gi chos ni
18b₂ rab tu spangs/ /blo ldan sngags nyid mi bzla zhing / /bsam gtan nyid ni dmigs mi bya/ /gnyid ni spang bar mi bya ste/ /dbang po rnams ni mi dgag go/ /ba la thams cad bza' bar bya/ /kha dog lnga la mnyam par spyad/ /dogs pa med pa'i sems kyis ni/ /btsun mo thams cad
18b₃ dga' bar bya/ /mdza' bo sdug par mi bya zhing / /de bzhin gdug la zhe sdang nyid/ /rdo shing 'jim pa'i bdag nyid kyi/ /lha 'di rnams la phyag mi bya/ /g.yung mo gdol ba ko lpags mkhan/ /phyag dar mkhan sogs reg ring dang / /bram ze rgyal rigs rje'u dmangs rnams/ /bdag
18b₄ gi lus ltar reg pa nyid/ /bdud rtsi lnga dang bu ram chang / /dug dang nim pa bu btsas skyes/ /skyur dang mngar dang bska la sogs/ /kha ba lan tshwa tsha ba dang / /dri nga dri zhim mchil snabs rnams/ /byang chub sems bsres rab tu bza'/ /gnyis med ye shes sems kyis ni/ /
18b₅ mi bza' cung zad yod ma yin/ /rang byung me tog rnyed nas ni/ /pad+ma'i snod du bzhag pa dang / /lud pa dang ni snabs dag gis/ /bsres nas brtul zhugs can gyis btung / /smad g.yogs kha dog sna tshogs dang / /ro bsregs thal bas de bzhin brgyan/ /me tog ra ba song gnas
18b₆ rnyed pas/ /mgo skyes legs par bcing bar bya/ /de nas rdo rje snying pos gsol pa/ thams cad yul gyi rnam dag pa/ /bcom ldan 'das kyis sngar gsungs na/ /nges par dbang po drug gi grangs/ /rnam par dag par ma mdzad pa/ /bcom ldan 'das kyis bka' stsal pa/ /mig
18b₇ la gti mug rdo rje ma/ /rna bar zhe sdang rdo rje ma/ /sna la ser sna ma zhes bshad/ /kha la 'dod chags rdo rje ma/ /lus la phrag dog rdo rje ma/ /yid la bdag med rnal 'byor ma/ /dbang po rnams ni dag bya'i phyir/ /'dis ni go cha sems dpa' che/ /rdo rje snying pos gsol pa/ dgongs

_{iiif viewer powered by OpenSeadragon}

18a - 19a

Texts on this page