rKTs

e-texts navigator

Volume

Page

18a₁ lags/ skye mchid ni ci lags/ phung po rnams ni gang lags/ khams rnams de yang ci lags/ 'di rnams kyi rang bzhin ni ci lags/ bcom ldan 'das kyis bka' stsal pa/ yul drug ni/ gzugs sgra de bzhin dri dang ni/ /ro dang de bzhin reg bya dang / /chos
18a₂ kyi khams kyi rang bzhin nyid/ /'di rnams yul ni drug tu brjod/ dbang po rnams ni drug ste/ mig dang rna ba sna dang ni/ /lce dang lus dang de bzhin yid/ /'di rnams dbang po drug po ni/ /gti mug rdo rje la sogs ldan/ /yul dang yul can dag gis ni/ /skye mched pa nu gnyis
18a₃ dag tu 'gyur/ /phung po lnga ni gzugs la sogs/ /mthar ni rnam shes snying rje che/ /dbang po dang ni yul nyid dang / /dbang po'i rnam par shes pa nyid/ /rnal 'byor ma rnams go bya'i phyir/ /khams ni brgyad rnams su bshad/ /rang bzhin gdod nas ma skyes pa/ /min
18a₄ bden min de bzhin du/ /thams cad chu yi zla ba ltar/ /'dod pas rnal 'byor mas shes kyis/ /'di lta ste/ gtsub shing dang gtsub stan dang skyes bu'i lag pa'i rtsol ba las glo bur du me skye bar 'gyur ro/ /me 'di ni gtsub shing la yang mi gnas/ gtsub stan la yang mi gnas/ skyes
18a₅ bu'i lag pa dag la yang ma yin te/ rnam pa thams cad du yongs su btsal na gcig na'ang yod pa ma yin pas me de yang bden pa yang ma yin zhing pa yang ma yin no/ /de ltar chos thams cad rnal 'byor mas yid la gyis shig /de nas rnal 'byor ma bdag med ma la sogs pa rdo rje
18a₆ mkha' 'gro ma thams cad kyis bdud rtsi lnga thogs shing dam tshig gi rdzas thogs pas bcom ldan 'das rdo rje sems dpa' la mchod par byed/ kun tu ru'i sbyor bas rjes su chags par byed/ bdud rtsi lnga'i ro yang 'thung bar byed do/ /de nas bcom ldan 'das dgyes nas rang byin gyis brlabs
18a₇ pa bstan pa/ kye kye rdo rje mkha' 'gro ma/ /sangs rgyas kun gyis phyag mdzad pa'i/ /de nyid bdag gis gsang mdzad pa/ /rdo rje mchod pa'i byin brlabs kyis/ /bshad kyis 'dod pas rab tu nyon/ /lha mo thams cad dga' bar 'gyur/ /rangs par gyur te pus mo g.yas pa'i lha

_{iiif viewer powered by OpenSeadragon}

17b - 18b

Texts on this page