| e-texts navigator |
| བོད་ཡིག |
17a1 sogs pa/ /sna tshogs rnam pa sna tshogs bshad/ /rnam par smin pa de las bzlog /bde ba'i ye shes za ba nyid/ /bdag gis bde ba zos pa yi/ /gros ni rnam par nyed par brjod/ /mtshan nyid bral ba gsum las gzhan/ /chags dang chags bral rnam par spangs/ /
17a2 sna tshogs dang po'i dga' ba nyid/ /rnam smin la ni mchog dga' nyid/ /rnam nyed dga' bral dga' ba nyid/ /mtshan bral lhan cig skyes dga' nyid/ /slob dpon gsang ba shes rab dang / /bzhi bde yang de bzhin no/ /dbang ni bzhi yi grangs kyis ni/ /dga' ba la sogs rim
17a3 zhes bya/ /dgod pa dag pa slob dpon nyid/ /lta ba gsang ba de bzhin no/ /lag bcangs las ni shes rab nyid/ /gnyis gnyis 'khyud pa de yang nyid/ /sems can rnams kyi dngos grub phyir/ /dbang ni rnam pa bzhi ru bshad/ /gtor dang blugs pa zhes bya 'dis/ /des
17a4 na dbang zhes brjod par bya/ /shes rab bcu drug lon pa la/ /lag pa dag gis yang dag 'khyud/ /rdo rje dril bu mnyam sbyor bas/ /slob dpon dbang du rab tu brjod/ /shin tu bzhin bzang mig yangs ma/ /gzugs dang lang tshos rnam par brgyan/ /mthe bong srin lag
17a5 dag gis ni/ /slob ma'i kha ru ltung bar bya/ /de nyid du ni mnyam pa'i ro/ /slob ma'i spyod yul dag tu bya/ /ston pas shes rab rab tu mchod/ /rjed par byas nas gtad par bya/ /ston pas smras pa sems dpa' che/ /phyag rgya bde ba ldan pa khyer/ /phrag dog khro ba
17a6 rnam spangs pa'i/ /slob ma cher gyur shes nas ni/ /ston pas de la gnang ba sbyin/ /kun tu ru gyis rdo rje 'dzin/ /ji ltar dbang bskur gsol btab pa'i/ /slob ma'i bya ba bshad par bya/ /bla ma phyag rgya ldan mthong nas/ /bstod dang mchod pa ji bzhin bya/ /bcom ldan zhi ba
17a7 chen po kye/ /rdo rje rnal 'byor gcig bzhed pa/ /mi phyed phyag rgya sgrub pa po/ /rdo rje rnal 'byor las byung ba/ /ji ltar khyod ni bdag nyid che/ /mnga' bdag bdag la'ang de ltar mdzod/ /'khor ba 'dam gyi tshogs nad du/ /bying ba skyabs med bdag la skyobs/ /zhim pa'i bza' ba btung ba dag /
iiif viewer powered by OpenSeadragon
Texts on this page
D418 - kye'i rdo rje mkha' 'gro ma dra ba'i sdom pa'i rgyud kyi rgyal po