rKTs

e-texts navigator

Volume

Page

83b₁ kha cig 'di ltar lta zhing 'di skad du smra ba dag yod de/ bdag gzugs can ni 'byung ba chen po bzhi po rags pa ji srid du 'tsho zhing gnas la brtan cing 'dug pa de srid du nad dang bcas so/ /shu ba dang bcas so/ /zug rngu dang bcas so/ /rims nad dang bcas so/ /yongs
83b₂ su gdung ba dang bcas so/ /bdag ni nam zhig na yongs su chad par 'gyur ro/ /'dod pa na spyod pa'i lha dang / gzugs na spyod pa'i lha dang / gzugs can ma yin pa nam mkha' mtha' yas skye mched la gnas pa dang / gzugs can ma yin pa rnam shes mtha' yas skye
83b₃ mched la gnas pa dang / gzugs can ma yin pa ci yang med pa'i skye mched la gnas pa dang / gzugs can ma yin pa yod min med min skye mched la gnas pa dag ji srid du 'tsho zhing gnas pa zhes bya ba nas/ 'di ni gzhi bdun pa'o zhes bya ba'i bar du snga ma bzhin no/ /ci la
83b₄ rten cing ci la gnas nas ci la gnas bcas te/ phyi ma'i mtha' la rtog cing chad par smra ba dag de phan chad bdag ni chad par 'gyur te med do zhes kha cig mngon par smra zhing mngon par rjod do/ /dge slong dag dge sbyong dang bram ze kha cig phyi ma'i mtha' la rtog cing chad par smra ba dag de phan chad
83b₅ bdag ni chad par 'gyur te med do zhes kha cig mngon par smra zhing mngon par rjod pa thams cad kyang gzhi bdun po 'di dag la ste/ de las mi lhag mi mang la de dag de bzhin gshegs pas yang dag pa ji lta ba bzhin du rab tu mkhyen ces bya ba dag ni snga ma bzhin no/ /dge slong dag chos gang dag
83b₆ gzhan zab pa zab par snang ba zhes bya ba dag ni snga ma bzhin no/ /dge slong dag chos gang dag gzhan zab pa zab par snang ba de dag kyang gang zhe na zhes bya ba dag ni snga ma bzhin no/ /dge slong dag dge sbyong dang bram ze kha cig 'di ltar lta zhing 'di skad du smra ba dag yod de/ gang gi tshe bdag
83b₇ 'dod pa'i yon tan lnga 'byor par gyur cing / rtse dga' yongs su spyod pa de tsam gyis na bdag 'di mthong ba'i chos la mya ngan las 'das pa thob pa yin no/ /gang gi tshe bdag 'dod pa dag las dben zhing bsam gtan bzhi pa'i bar du rdzogs par byas te/ gnas pa de tsam gyis na

_{iiif viewer powered by OpenSeadragon}

83a - 84a

Texts on this page