rKTs

e-texts navigator

Volume

Page

82a₁ lta ba bzhin du rab tu mkhyen nas kyang mchog tu mi 'dzin to/ /mchog tu mi 'dzin pas bdag nyid mya ngan las 'das par rig nas tshor ba rnams kun du 'byung ba nub par thugs su chud de 'di ni sdug bsngal lo/ /'di ni sdug bsngal nges par 'byin pa'o zhes
82a₂ bya bar mkhyen to/ /dge slong dag chos gang dag gzhan zab pa zab par snang ba yongs su dag pa yongs su byang ba de dag ngas rang gi mngon par shes pas mngon par rdzogs par sangs rgyas nas bshad la/ pha rol pos kyang de bzhin gshegs pa la gang yang dag pa ji lta ba bzhin
82a₃ du snyan par smra zhing rjod par byed do/ /dge slong dag chos gang dag gzhan zab pa zab par snang ba yongs su dag pa yongs su byang ba de dag ngas rang gi mngon par shes pas mngon par rdzogs par sangs rgyas nas bshad la/ pha rol pos kyang de bzhin gshegs pa la gang yang dag
82a₄ pa ji lta ba bzhin du snyan par smra zhing rjod par byed pa gang zhe na/ dge slong dag dge sbyong dang bram ze kha cig phyi ma'i mtha' la rtog cing 'du shes can du smra ba dag /de phan cad bdag ni 'du shes can no zhes kha cig mngon par smra zhing mngon par rjod pa yod pa ni 'di lta ste/ gzhi brgyad po
82a₅ 'di dag la'o/ /dge sbyong dang bram ze shes ldan de dag ci la rten cing ci la gnas nas ci la gnas bcas te/ phyi ma'i mtha' la rtog cing 'du shes med pa can du smra ba dag de phan cad bdag ni 'du shes med pa can yin no zhes kha cig mngon par smra zhing mngon par rjod pa ni 'di lta ste/
82a₆ gzhi brgyad po dag la'o/ /dge slong dag dge sbyong dang bram ze kha cig 'di ltar lta zhing 'di skad du smra ba dag yod de/ de phan cad bdag ni gzugs can yin zhing 'du shes can yang yin pa dang / de phan chad bdag ni gzugs can ma yin pa dang / gzugs can
82a₇ yin la gzugs can ma yin pa yang yin pa dang / gzugs can yang ma yin la/ gzugs can ma yin pa yang ma yin zhing 'du shes can yang ma yin pa dang / de phan cad bdag ni mtha' dang ldan zhing 'du shes can yang yin pa dang / de phan cad bdag ni mtha' dang mi

_{iiif viewer powered by OpenSeadragon}

81b - 82b

Texts on this page