rKTs

e-texts navigator

Volume

Page

77b₁ lta bar song ba 'di dag 'di ltar 'dzin pa de dag de bzhin gshegs pas yang dag pa ji lta ba bzhin du rab tu mkhyen ces bya ba dag ni snga ma bzhin no/ /dge slong dag chos gang dag gzhan zab pa zab par snang ba yongs su dag pa yongs su byang ba de dag ngas rang gi
77b₂ mngon par shes pas/ mngon par rdzogs par sangs rgyas nas bshad la/ pha rol pos kyang de bzhin gshegs pa la gang yang dag pa ji lta ba bzhin snyan par smra zhing rjod par byed do/ /dge slong dag chos gang dag gzhan zab pa zab par snang ba yongs
77b₃ su dag pa/ yongs su byang ba de dag ngas rang gi mngon par shes pas/ mngon par rdzogs par sangs rgyas nas bshad la/ pha rol pos kyang de bzhin gshegs pa la gang yang dag pa ji lta ba bzhin snyan par smra zhing rjod par byed pa gang zhe na/ dge slong dag
77b₄ dge sbyong dang bram ze kha cig sngon gyi mtha' la rtog cing rgyu med par 'byung ba ste/ bdag dang 'jig rten ni rgyu med pa las 'byung ngo zhes mngon par smra zhing mngon par rjod pa yod pa ni 'di lta ste/ gzhi gnyis pa la'o/ /dge sbyong dag dang bram ze shes ldan de dag
77b₅ ci la rten cing ci la gnas nas ci la gnas bcas te/ sngon gyi mtha' la rtog cing rgyu med par 'byung ba ste/ bdag dang 'jig rten ni rgyu med pa las 'byung ba'o zhes mngon par smra zhing mngon par rjod pa ni 'di lta ste/ gzhi gnyis po dag la'o/ /dge slong dag
77b₆ gzugs kyi khams na/ 'du shes med pa'i sems can gyi lha rnams kyi 'du shes 'byung ba'i phyir/ sems can de dag gnas de nas shi 'pho bar 'gyur la/ ji ste sems can 'ga' zhig gnas de nas shi 'phos nas/ 'dir mi rnams dang skal ba mnyam
77b₇ par 'gyur zhes bya ba nas/ sngon 'du shes 'byung ba de yang dag par rjes su dran no zhes bya ba'i bar du snga ma bzhin no/ /'di snyam du sems te/ bdag dang 'jig rten rgyu med pa las 'byung ba de'i phyir/ des na bdag ni 'di snyam du bdag dang 'jig rten

_{iiif viewer powered by OpenSeadragon}

77a - 78a

Texts on this page