| e-texts navigator |
| བོད་ཡིག |
76b1 la gnas nas ci la gnas bcas te sngon gyi mtha' la rtog cing kha cig ni rtag pa pa ste/ bdag dang 'jig rten kha cig rtag go zhes mngon par smra zhing mngon par rjod pa ni dge slong dag 'dod pa'i khams na lha rtsed mos myos zhes bya ba dag yod de/ de dag gang gi tshe
76b2 shin tu rtse dga' rangs pa dang ldan zhing 'khod de rtse dga' rangs pa dang ldan pa'i sems can de dag gi nang nas/ lus dub cing dran pa rmongs la/ dran pa'i sems can gnas de nas shi 'phos nas 'gyur ro/ /'di lta ste sems can 'ga' tshe zad cing las zad
76b3 la bsod nams zad pa 'ga' zhig gnas de nas shi 'phos nas 'dir mi rnams dang skal ba mnyam par 'gyur la/ de dbang po yongs su smin cing nar son pa'i rgyus na skra dang kha spu bregs te gos ngur smrig bgos nas/ yang dag pa nyid kyi dad pas khyim
76b4 nas khyim med par rab tu 'byung ste/ de dgon pa na gnas kyang rung / shing drung na gnas kyang rung / khang stong na gnas kyang rung ste/ brtson pa'i rgyu las byung ba dang / spong ba'i rgyu las byung ba dang / sgom pa'i rgyu las byung ba dang / lan mang du byed pa'i
76b5 rgyu las byung ba dang / yang dag pa yid la byed pa dag gi rgyu las byung ba dag gis sems zhi ba'i ting nge 'dzin de lta bu la reg par byed do/ /de ltar mnyam par bzhag pa na sngon gyi lus de yang dag par rjes su dran no/ /de 'di snyam du sems te/ 'dod pa'i
76b6 khams na gang lha rtsed mos myos zhes bya ba dag gi nang nas gang dag rtse dga' rangs pa dang shin tu mi ldan par 'khod de/ de dag ni rtag pa'o/ /brtan pa'o/ /ther zug pa'o/ /rnam par mi 'gyur ba'i chos can yin no snyam mo/ /yang bdag cag ni shin tu rtse dga'
76b7 rangs pa dang ldan pa'i sems kyis gnas pas bdag cag ni mi rtag pa'o/ /mi brtan pa'o/ /ther zug ma yin pa'o/ /yid brtan du mi rung ba'o/ /rnam par 'gyur ba'i chos can no snyam mo/ /de ltar na kha cig ni rtag la kha cig ni mi rtag pa ste/ ci la
iiif viewer powered by OpenSeadragon
Texts on this page
D352 - tshangs pa'i dra ba'i mdo