| e-texts navigator |
| བོད་ཡིག |
75b1 can des sprul pa'o/ /sems can de ni bdag cag dang dngos po rnams kyi phar gyur pa ste/ dbang phyug go/ /byed pa po'o/ /'byin pa po'o/ /'byin byed do snyam mo/ /de nas sems can 'ga' tshe zad cing las zad la/ bsod nams zad pa zhig gnas
75b2 de nas shi 'phos nas/ 'dir mi rnams dang skal ba mnyam par gyur la de dbang po rnams yongs su smin cing nar son pa'i rgyus na/ skra dang kha spu bregs te gos ngur smrig bgos nas yang dag pa nyid kyi dad pas khyim nas khyim med par rab tu byung ste/ de dgon pa
75b3 na gnas kyang rung / shing drung na gnas kyang rung / khang stong na gnas kyang rung ste/ brtson pa'i rgyu las byung ba dang / spong ba'i rgyu las byung ba dang / sgom pa'i rgyu las byung ba dang / lan mang du byed pa'i rgyu las byung ba dang / yang dag pa yid la byed pa dag gi rgyu las
75b4 byung ba dag gis sems zhi ba'i ting nge 'dzin de lta bu la reg par byed do/ /de ltar sems mnyam par bzhag pa las sngon gyi lus de yang dag par rjes su dran no/ /de 'di snyam du sems te/ tshangs pa de ni dngos po rnams kyi phar gyur pa ste/ dbang phyug go/ /byed pa po'o/ /
75b5 sprul pa po'o/ /'byin pa po'o/ /'byin byed do/ /de ni rtag pa'o/ /brtan pa'o/ /ther zug pa'o/ /rnam par mi 'gyur ba'i chos can no/ /yang bdag cag ni tshangs pa des sprul pa'i phyir bdag cag ni mi rtag pa'o/ /mi brtan pa'o/ /yid brtan du mi rung ba'o/ /rnam
75b6 par 'gyur ba'i chos can no snyam mo/ /de ltar kha cig ni rtag la kha cig ni mi rtag pa ste/ ci la rten cing ci la gnas nas ci la gnas bcas te/ sngon gyi mtha' la rtog cing kha cig ni rtag pa pa ste/ bdag dang 'jig rten kha cig ni rtag go zhes mngon par smra zhing mngon par rjod pa
75b7 'di ni gzhi dang po'o/ /gnyis pa ni dge sbyong dang bram ze shes ldan ci la rten cing ci la gnas nas ci la gnas bcas te sngon gyi mtha' la rtog cing kha cig ni rtag pa pa ste/ bdag dang 'jig rten kha cig ni rtag go zhes mngon par smra zhing mngon par rjod pa ste/ tshangs pa de'i lta ba ni
iiif viewer powered by OpenSeadragon
Texts on this page
D352 - tshangs pa'i dra ba'i mdo