rKTs

e-texts navigator

Volume

Page

74b₁ bzhin du rab tu mkhyen/ de las lhag par yang dag pa ji lta ba bzhin du mkhyen/ de dag de bzhin gshegs pas yang dag pa ji lta ba bzhin du mkhyen/ de las lhag par yang dag pa ji lta ba bzhin du rab tu mkhyen nas kyang mchog tu mi 'dzin to/ /mchog tu mi 'dzin pas
74b₂ bdag nyid mya ngan las 'das par rig nas kun 'byung tshor ba rnams nub par thugs su chud de/ 'di ni sdug bsngal lo/ /'di ni sdug bsngal nges par 'byin pa'o zhes bya bar rab tu mkhyen to/ /dge slong dag chos gang dag gzhan zab pa zab par snang ba yongs su dag
74b₃ pa/ yongs su byang ba de dag ngas rang gi mngon par shes pas mngon par rdzogs par sangs rgyas nas bshad la/ pha rol pos kyang de bzhin gshegs pa la gang yang dag pa ji lta ba bzhin du snyan pa smra zhing rjod par byed do/ /dge slong dag chos gang dag gzhan zab pa zab
74b₄ par snang ba dag ces bya ba snga ma bzhin no/ /dge slong dag dge sbyong dang bram ze kha cig sngon gyi mtha' la rtog cing kha cig ni rtag pa ste/ bdag dang 'jig rten kha cig rtag go zhes smra zhing / mngon par rjod pa ni 'di lta ste/ gzhi bzhi po 'di dag la'o/ /dge sbyong dang
74b₅ bram ze shes ldan de dag ci la rten cing ci la gnas nas ci la gnas bcas te sngon gyi mtha' la rtog cing kha cig ni rtag pa pa ste/ bdag dang 'jig rten rtag go zhes mngon par smra zhing mngon par rjod pa ni 'di lta ste/ gzhi bzhi po dag la'o/ /dge slong dag gang 'jig rten
74b₆ 'di 'jig pa'i dus la bab ste/ 'jig rten 'jig pa na sems can phal cher 'od gsal gyi lha'i ris su skye bar 'gyur te/ de dag der yid las 'byung zhing gzugs can yin la dbang po dman pa ma yin zhing ma tshang ba med pa/ yan lag dang nying lag thams cad dang
74b₇ ldan zhing kha dog mdzes pa dang ldan pa rnams rang gi mthus nam mkha' la 'gro zhing / dga' ba'i zas dang ldan la dga' ba'i zas za ba dag tshe ring bas yun ring por 'khod do/ /dge slong dag gang 'jig rten 'di chags pa'i dus la bab ste/ 'jig rten chags pa na nam

_{iiif viewer powered by OpenSeadragon}

74a - 75a

Texts on this page