rKTs

e-texts navigator

Volume

Page

74a₁ du rgyug cing 'khor la rtag pa de lta bu dang mtshungs pa med pa'o/ /rtag par smra ba rnams ci la rten cing ci la gnas nas ci la gnas bcas te/ sngon gyi mtha' la rtog cing bdag dang 'jig rten rtag pa'o zhes mngon par smra zhing mngon par rjod pa 'di
74a₂ ni gzhi gsum pa'o/ /bzhi pa ni dge sbyong dang bram ze shes ldan rtag par smra ba rnams ci la rten cing ci la gnas nas ci la gnas bcas te/ sngon gyi mtha' la rtog cing bdag dang 'jig rten rtag pa'o zhes mngon par smra zhing mngon par rjod pa ste/ dge slong dag 'di ni dge
74a₃ sbyong dang bram ze zhes bya ba dag snga ma bzhin no/ /sems mnyam par bzhag pa na/ lha'i mig rnam par dag pa mi'i las 'das pas sems can 'chi ba dang / skye ba dang / kha dog bzang po dang / kha dog ngan pa dang / dman pa dang / gya nom pa dang / bde 'gro dang /
74a₄ ngan 'gror 'gro ba dag lta ste/ de ltar na bdag dang 'jig rten ni rtag pa'o zhes bya ba nas/ rtag par smra ba rnams ci la rten cing ci la gnas nas ci la gnas bcas te/ sngon gyi mtha' la rtog cing bdag dang 'jig rten rtag pa'o zhes mngon par smra zhing mngon par rjod pa 'di
74a₅ ni gzhi bzhi pa'o zhes bya ba'i bar du snga ma bzhin no/ /dge slong dag dge sbyong dang bram ze kha cig rtag par smra ba rnams sngon gyi mtha' la rtog cing / bdag dang 'jig rten rtag go zhes mngon par smra zhing mngon par rjod pa de thams cad ni gzhi bzhi po 'di dag lta ste/ de las
74a₆ mi lhag mi mang la de ltar na lta bar song ba 'di dag 'di ltar 'dzin pa dang / 'di ltar mchog tu 'dzin pa de dag de bzhin gshegs pas yang dag pa ji lta ba bzhin rab tu mkhyen de las lhag par yang dag pa ji lta ba bzhin du rab tu mkhyen to/ /'di ltar rab tu mkhyen pa na
74a₇ mchog tu mi 'dzin to/ /mchog tu mi 'dzin pas bdag nyid mya ngan las 'das par yang rig cing de ltar lta bar song ba 'di dag gi 'gro ba ni 'di lta bu'o/ /skye ba ni 'di lta bu'o/ /tshe phyi ma ni 'di lta bu yin no zhes de dag de bzhin gshegs pas yang dag pa ji lta ba

_{iiif viewer powered by OpenSeadragon}

73b - 74b

Texts on this page