rKTs

e-texts navigator

Volume

Page

72b₁ 'di lta ste/ lam dang lam log pa'i phyir ro/ /gau ta ma de ni rig pa yon po dag gis log par 'tsho bas log par 'tsho bar byed pa de lta bu dag spangs pa yin no/ /ji ltar na 'dod pa rnams las rab tu dben pa yin zhe na/ gau ta ma de ni 'di ltar 'phags pa'i tshul khrims kyi phung
72b₂ po 'di dag dang ldan zhing / dbang po rnams kyi sgo bsdams pa la gnas pa dran pas kun nas bsrungs pa rtag par dran pa dang dran pas yid kun nas bsrungs pa/ gnas skabs mnyam pa la 'jog par byed pa/ de mig gis gzugs rnams la lta ba na mtshan mar 'dzin
72b₃ pa med pa yin te/ yid kyi dbang po'i bar du yang sdom pa blangs pa yin no/ /gau ta ma de ni 'di ltar tshul khrims kyi phung po 'di dang / dbang po'i sgo bsdams pa 'di dang ldan pa yin la/ 'gro ba dang 'ong ba la shes bzhin du gnas pa yang yin zhing / lta ba dang rnam par lta
72b₄ ba nas gnyid kyis dub pa sel ba'i bar du'ang shes bzhin du gnas pa yin no/ /gau ta ma de ni 'di ltar 'phags pa'i tshul khrims kyi phung po 'di dang / dbang po'i sgo bsdams pa 'di dang ldan la/ dran pa dang shes bzhin mchog 'di dang ldan pa'i phyir/ mal stan bde ba la gnas
72b₅ pa nas 'dod pa dag las dben pa/ sdig pa mi dge ba'i chos rnams las dben pa rtog pa dang bcas shing dpyod pa dang bcas pa/ dben pa las skyes pa'i dga' ba dang bde ba can bsam gtan dang po rdzogs par byas nas gnas pa'i bar te/ 'dod pa rnams las dben pa ni de lta
72b₆ bu yin no/ /dge slong dag chos gang dag gzhan zab pa zab par snang ba yongs su dag pa yongs su byang ba de dag ngas rang gi mngon par shes pas mngon par rdzogs par sangs rgyas nas bshad la/ pha rol pos kyang de bzhin gshegs pa la gang yang dag pa ji lta ba bzhin snyan pa smra
72b₇ zhing rjod par byed do/ /dge slong dag chos gang dag gzhan zab pa zab par snang ba yongs su dag pa yongs su byang ba de dag ngas rang gi mngon par shes pas mngon par rdzogs par sangs rgyas nas bshad la/ pha rol pos kyang de bzhin gshegs pa la gang yang dag pa ji lta ba

_{iiif viewer powered by OpenSeadragon}

72a - 73a

Texts on this page