| e-texts navigator |
| བོད་ཡིག |
71b1 mchis pa'i skabs kyi gtam dus la bab pa ni de lags te/ gtam des da ltar bdag cag 'dus shing mchis pa lags so/ /dge slong dag nga la mi snyan par brjod pa dang / chos dang dge 'dun la yang mi snyan par brjod pa de la/ gnod sems mi bya'o/ /mi bzod
71b2 pa mi bya'o/ /ngan sems mi bya'o/ /sems mngon par mi dga' ba mi bya'o/ /dge slong dag nga la mi snyan par brjod pa dang / chos dang dge 'dun la yang mi snyan par brjod pa de la/ tshe dang ldan pa dag gis gnod sems dang mi bzod pa dang ngan sems dang sems mngon par
71b3 mi dga' bar byas nas/ des na khyod kyi bar du gcod pa kho nar 'gyur ba'i phyir ro/ /de ci'i phyir zhe na/ dge slong de re zhig khros 'khrugs la rngams te yid mi dga' bar gyur pas/ gzhan rjod pa'i don gyi rnam pa thams cad yongs su rdzogs par shes pa'am/ mthong bar
71b4 'gyur ba 'di ni gnas med do/ /dge slong dag de'i phyir nga la mi snyan par brjod la/ chos dang dge 'dun la yang mi snyan par brjod pa na/ yang dag pa la ni yang dag pa nyid du khas blang bar bya la/ yang dag pa ma yin pa la ni yang dag pa ma yin pa nyid du ste/ 'di ltar de ni yang dag
71b5 pa ma yin zhing de kho na ma yin pas nged kyi chos 'di la ni yod pa ma yin no zhes lan gdab par bya'o/ /dge slong dag nga la snyan pa brjod la/ chos dang dge 'dun la yang snyan pa brjod pa na/ dga' bar yang mi bya'o/ /yid bde bar yang mi bya'o/ /sems ye ye por yang mi
71b6 bya'o/ /dge slong dag nga la snyan pa brjod la/ chos dang dge 'dun la yang snyan pa brjod pa na/ dga' ba'am yid bde ba'am sems ye ye por gyur na/ des na khyed kyi bar du gcod pa kho nar 'gyur ba'i phyir ro/ /dge slong dag /de ci'i phyir zhe na/ dge slong de re zhig dga'
71b7 bar gyur pa dang / yid bde bar gyur pa dang / sems ya ya por gyur pas/ gzhan rjod pa'i don gyi rnam pa thams cad yongs su rdzogs par shes pa'am/ mthong bar 'gyur ba 'di ni gnas med do/ /dge slong dag de'i phyir nga la snyan pa brjod la/ chos dang dge 'dun la
iiif viewer powered by OpenSeadragon
Texts on this page
D352 - tshangs pa'i dra ba'i mdo