rKTs

e-texts navigator

Volume

Page

69a₁ slong ba la byin pa yang bdag cag la dbang ba'i bdag po lags te/ 'dis bdag cag la bkol ba'i las tsam byed du ma bcug pa yang thog ma phas bsams pa ltar ma gyur te/ de snying rje'i sems tsam yang ma mchis te ltogs shing skom pa bzhin du
69a₂ 'dug pa 'di mig gis kyang su zhig gis bzod/ bdag gi phas ni bu yang mi phangs par pha rol po la sbyin pa byed na rgyal po chen pos mi gcig gi kha zas tsam la ser sna mdzad dam zhes gsol pa dang / rgyal pos kyang bram ze de la kha zas kyis tshim par byin nas bram ze yang
69a₃ rab tu dga' ste/ phyir bdag gi yul du song ngo / /de nas rgyal pos rgyal bu 'gugs pa'i pho nya btang nas/ pho nya yang de ma thag tu chas te rgyal bu ga la ba der song ngo / /der phyin pa dang chu zhig la ma thar nas pho nya des rgyal bu nyid yid la byas te bsams ma thag
69a₄ tu chu de las thar nas rgyal bu gang na ba der phyin te/ rgyal po'i bkas rgyal bu slar yul du gshegs su gsol zhes bsgo'o/ /rgyal bus pho nya la smras pa/ thog ma rgyal pos lo bcu gnyis kyi bar du ri la sgoms shig ces bsgo ste/ da dung lo gcig ma tshang bas da
69a₅ lo tshang nas bdag 'gro'o zhes bsgo'o/ /de nas pho nya yang phyir log nas rgyal po la de bzhin du lan gsol pa las/ rgyal po nyid phyag dar te yi ge bris nas phyir pho nya la bskur te 'di skad ces bsgo'o/ /khyod ni mi'i nang na mkhas pa shes rab can yin pas 'gro ba la yang
69a₆ bzod cing 'ong ba la yang bzod pa yin na/ ci'i phyir khyod khros te 'ong du mi btub/ khyod dang lhan cig bza' ba dang btung ba gtang dgos kyis myur du shog cig ces pho nya 'gugs su btang ngo / /de nas pho nya yi ge thogs te/ rgyal bu gang na ba der song nas phyin pa dang rgyal bu
69a₇ la yi ge phul lo/ /rgyal bus yi ge blangs nas mgo bo sa la gtugs te yi ge la phyag 'tshal nas lan bdun bskor ba byas te/ mod la phyir yul du 'gro bar chas so/ /de'i tshe ri de nas chas pa dang ri de la gnas pa'i dang gcan gzan la sogs pa rgyal bu 'gro'o zhes

_{iiif viewer powered by OpenSeadragon}

68b - 69b

Texts on this page