rKTs

e-texts navigator

Volume

Page

67b₁ lha'i dbang pos smras pa/ smon lam 'di ni shin tu yang rgya che ste bla na med pa yin no/ /gal te mtho ris su skye zhing nyi zla la dbang ba'i bdag por 'dod dam/ 'jig rten gyi rgyal por 'dod dam/ tshe ring zhing yun tu gnas par 'dod na/ bdag gis sbyin nus kyis
67b₂ khyod kyis smras pa'i smon lam khams gsum las mchog tu 'das pa yin pas bdag gis nus pa ma yin no/ /rgyal bus smras pa/ da ltar re zhig shin tu phyug por gyur te sngon bas kyang lhag par rtag par sbyin pa byin zhing / yab rgyal po dang blon po rnams
67b₃ dang / bdag cag phrad par shog cig ces smras pa dang brgya byin gyis smon pa bzhin du nges par grub par gyur cig ces smras ma thag tu mi snang bar gyur to/ /yul kai lai'i bram ze des byis pa gnyis khrid de khyim du 'ongs na/ chung mas 'di skad du khyod ngo so 'di lta
67b₄ bus 'khor te 'ongs pa lta ngo mi tsha'am/ bus pa 'di gnyis ni rgyal po'i gdung la gtogs pa yin na snying rje'i sems kyang med de/ 'di ltar btsogs brdegs shing lus la rma dang rnag khrag gis btsog btsog ltar byas pa bzod dam zhes spyos brgyad nas/ bus pa 'di
67b₅ gnyis tshongs la bkol du rung ba khrid de shog cig ces bsgo ba dang / khyim thab kyang chung mas bsgo ba bzhin tshong 'dus su song ba las brgya byin lha'i dbang pos sprul te tshong 'dus su 'ongs nas bram ze de la bus pa 'di ni shin tu rin che bas su yang nyo mi nus so zhes smras so/ /
67b₆ bus pa de gnyis bkres shing skom pa las/ brgya byin gyis lha'i rdzu 'phrul gyis lha'i dri bsung sprul te/ bus pa gnyis kyi ba spu'i khung bu nas lto 'grangs par byas te/ brgya byin gyis bram ze'i sems kyang bsgyur nas yul ya bar phyin par byas so/ /yul de'i blon
67b₇ po dang yul mi thams cad kyis rgyal bu'i sras/ rgyal po chen po'i tsha bo yin par mi shes pa med pas yul mi thams cad kyang mya ngan gyis gdungs te/ blon po la sogs pas bu gnyis ga las 'ongs zhes dris pa dang / bram ze na re bdag gis bslangs te 'ongs pa la

_{iiif viewer powered by OpenSeadragon}

67a - 68a

Texts on this page