| e-texts navigator |
| བོད་ཡིག |
64b1 phongs te rgyal bu la slong du 'ongs so/ /rgyal bus smras pa/ bdag la yod pa las khyod la ma byin na ni chags shing ser sna byed par yang 'gyur na bdag la ci bdog pa sngar btang bas da ni ci yang sbyin du med do/ /bram zes smras pa/ de ltar nor rdzas sbyin du med na khyod kyi bu
64b2 ming sring gnyis bdag rgad po'i 'khol ba'am bran du byin cig ces de bzhin du lan gnyis lan gsum gyi bar du smras nas/ rgyal bus kyang khyod lam ring po nas 'ongs la/ bdag gi bu ming sring gnyis 'dod pa rab tu legs kyis sbyin no zhes smras so/ /de'i tshe na bu
64b3 ming sring gnyis rtser song song ba las/ rgyal bus bos nas bu la 'di skad ces bsgo'o/ /bram ze 'di lam ring po nas bu khyed gnyis slong ngo zhes zer nas/ kho bos kyang sbyin par byas kyis khyed gnyis 'di'i phyi bzhin song shig ces bsgo ba dang / bu gnyis rgyal bu'i
64b4 mchan du bros nas ngu ste 'di skad ces smras so/ /bdag cag gis bram ze du ma yang mthong na 'di 'dra ba dag ma mthong ste/ 'di ni bram ze ma lags kyi yang dag par lags pas bdag cag gi ma shing thog tshol du mchis pa las/ slar ma 'khor bar
64b5 bdag cag gnyis 'di'i zas su stsal na gdon mi 'tshal bar 'gum mo/ /bdag gi ma slar mchis te bu dang ma mjal na/ ji ltar ba dang be'u bral ba ltar ngu zhing cho nges 'debs te mi dga' ba'i mya ngan gyis gdungs par 'gyur ro/ /rgyal bus bu la
64b6 bsgo ba/ kho bos sbyin par gnang bas bsdad du mi rung ste 'di bram ze yin gyi ma yin pas mi zos kyis khyed gnyis 'di'i phyi bzhin song shig /bram zes smras pa/ bdag ni da chas te 'gro'o/ /gal te bu'i ma 'ongs na 'gror med de/ ma btang na rgyal bus
64b7 bdag la byin pa'i dge ba'i sems/ bu'i mas zlog cing nyams par 'gyur du dogs so/ /rgyal bus smras pa/ bdag gis sbyin pa ci byas kyang thog ma nas ci la yang 'gyod pa'i sems byung ma myong ngo / /de nas rgyal bus chu snod thogs nas/ bram ze'i lag par chu blugs
iiif viewer powered by OpenSeadragon
Texts on this page
D351 - 'phags pa rgyal bu don grub kyi mdo