| e-texts navigator |
| བོད་ཡིག |
63a1 de'i tshe yul kai lai zhes bya bar bram ze dbul po zhig lo bzhi bcu lon nas chung ma blangs so/ /chung ma ni rab tu bzang zhing sdug la/ bram ze de ni rab tu mi sdug pa'i mtshan ma bcu gnyis rdzogs par yod de/ de'i lus mdog sol ba ltar gnag la gdong
63a2 la 'bur 'bur po gsum yod pa/ sna 'khyor zhing mig gnyis shel ltar sngo ba/ gdong gnyer ma can la ma mchu 'phyang ba/ smra ba'i skad mi snyan pa/ gsus pa che ba/ rkub 'bur ba/ rkang pa gnyis gyol ba/ mgo shu ba can la skra med pa/ 'dre ltar mi sdug pa zhig
63a3 ste/ chung mas kyang mthong mi 'dod pa tsam du shi yang sla zhes rgyun du dmod mo byed pa zhig yod do/ /dus gzhan zhig na chung ma de chu chur song song ba las/ lam du khyo ga gzhon nu ma dag cig dang phrad nas khyo ga rnams kyis khyim thab kyi gzugs 'di 'dra'o zhes co 'dri zhing
63a4 bgad nas/ khyod ni dpe med par bzang zhing sdug na/ ci ltar 'di 'dra ba'i chung ma byed nus ces smras pa dang chung mas khyo ga de dag la 'di skad ces smras so/ /rgan po'i mgo ni shing la ba mo chags pa ltar skya ba de nang nub tu shi bar dga' na shir mi btub ji ltar bya/ de
63a5 nas chu snod thogs nas phyir khyim du 'ongs te/ khyim thab la 'di skad ces smras so/ /bdag chu chur song song ba las/ lam du khyo ga gzhon nu dag cig dang phrad de/ de dag bdag la co 'dri zhing bgad nas/ da khyod kyis bkol ba'i bran khol yod na chu chu yang mi dgos
63a6 te/ gzhan gyis dpyas par yang mi 'gyur ro/ /khyim thab kyis smras pa/ bdag cag ni shin tu yang dbul phongs pa yin na bran khol ga las rnyed par 'gyur/ chung mas smras pa/ gal te bdag gi phyir bran khol ma btsal na bdag kyang 'gro ste/ khyod dang lhan cig mi gnas so
63a7 zhes chung mas yang 'di skad ces smras so/ /kho mos thos na/ rgyal bu don grub sbyin pa ma 'os par byin pas yab rgyal pos ri dan tig ces bya bar spangs so/ /rgyal bu de la bu khye'u gcig dang bu mo gcig yod ces grag gis/ khyod de slong du song shig /khyim thab kyis smras pa/
iiif viewer powered by OpenSeadragon
Texts on this page
D351 - 'phags pa rgyal bu don grub kyi mdo