rKTs

e-texts navigator

Volume

Page

61a₁ rta kha lo bsgyur te song ba las rgyangs chad par phyin te/ skyed shing gi drung na ngal so zhing 'dug pa las bram ze dag cig lhags nas/ rgyal bu las shing rta khrid pa'i rta bslangs so/ /rgyal bus slong ba la rta byin nas/ sras bu gnyis shing rta'i steng du bzhag ste/ btsun
61a₂ mos ni shing rta'i phyi nas phul/ rgyal bus ni mdun nas drangs te rkang pas shing rta 'dren cing song ba las/ ring po ma lon par yang bram ze zhig dang phrad nas shing rta bslangs pa dang / rgyal bus shing rta yang bram ze la byin no/ /de nas yang song ba las ring po ma lon par yang bram ze slong ba dang phrad
61a₃ nas rgyal bus de dag la 'di skad ces smras so/ /gal te bdag gis khyod la ma byin na ni chags shing ser sna byed par gyur na/ da ni bdag la nor zas zad de ci yang med do zhes smras pa dang / bram ze na re nor rdzas med na lus la gyon pa'i gos de nga la byin cig ces smras pa dang / rgyal bus lus
61a₄ la gyon pa'i gos rin po che yang slong ba la byin te/ gos rnying pa zhig gyon te dong ba las ring po ma lon par bram ze yang slong ba zhig dang phrad nas rgyal bus btsun mo'i gos byin no/ /de nas yang dong ba las ring po ma lon par bram ze slong ba dang phrad nas/ rgyal bus sras gnyis kyi gos kyang byin
61a₅ no/ /de ltar rgyal bus rta dang shing rta dang nor rdzas dang bgo ba'i gos kyi bar du ma lus par zad par byin pa yang / thog ma nas 'gyod pa'i sems skra'i nyag ma tsam mam ba spu tsam yang med do/ /rgyal bus ni sras bu khur du thogs/ btsun mos ni sras mo pang du khyer nas rkang pas song yang
61a₆ rgyal bu dang btsun mo dang sras gnyis kyi bar du dga' ba'i mdangs dang bcas te ri ga la ba der song ngo / /ri dan tig ces bya bar yul ya ba nas lam so rab tu ring ste dpag tshad phrag stong zhig yod do/ /de ltar song song ba las 'brog dgon par phyin nas/ bkres pa dang skom pa'i sdug
61a₇ bsngal gyis nyen pa las/ sum cu rtsa gsum gnam gyi lha'i dbang pos 'brog dgon pa der grong khyer khyim bzang po tshong 'dus dang lam srang yod pa/ rol mo dang gos dang bza' ba dang btung ba dang ldan pa/ grong khyim de na mi dag gis rgyal bu bsu ba dag sprul to/ /mi mang pos rgyal bu grong

_{iiif viewer powered by OpenSeadragon}

60b - 61b

Texts on this page