| e-texts navigator |
| བོད་ཡིག |
215a1 bsngal mang pos gdung ba'i rgyu yin no/ /de nas 'khor mang po'i nang nas mi dge ba bcu'i las kyi lam byed pa dag bcom ldan 'das kyis sems can dmyal ba'i sdug bsngal rnams bshad pa 'di thos nas thams cad kyis cho nges btab ste/ bcom ldan
215a2 'das la 'di skad ces gsol to/ /bdag cag rnams kyis dge ba ji lta bu zhig gis sdug bsngal de dag las ji ltar thar bar 'gyur/ bcom ldan 'das kyis bka' stsal pa/ khyed rnams sems can thams cad bsod nams kyi las 'thun par gyis shig /ji
215a3 ltar na bsod nams byed ce na/ gang la la zhig bdag nyid kyi sems can gyi don chen po byed pa gtso bor byas pa la mchod rten dang / gtsug lag khang brtsigs na ma 'ongs pa'i dus na gdon mi za bar rgyal por 'gyur te/ 'gro ba mang po'i don byed cing 'gro'o cog gi kun la mi
215a4 'thun pa med do/ /tshe 'di la chos kyi 'gro ba dang / chos la dad pa ni mi'i mchog tu 'gyur ro/ /ma 'ongs pa'i dus na gdon mi za bar blon che'am/ khams kyi dbang po blon du 'gyur ro/ /gos dang rta dang ldan zhing dgos so cog tshogs par 'gyur ro/ /tshe 'di la mi mang
215a5 po la btud cing bsod nams byed pa ni phyug cing btsan pa'i khyim bdag tu 'gyur te/ mang po kun gyis bkur ba dang / phyogs bzhi dag tu 'gro yang bgegs med cing bya'o cog 'grub bo/ /tshe 'di la sangs rgyas kyi mdun du me mar 'bud cing snang gsal la dad pa
215a6 ni ma 'ongs pa'i dus na nyi ma dang zla ba'i lhar skye'o/ /'od kyis bdag la gsal bar 'gyur ro/ /tshe 'di la snying rje'i sems kyis sbyin pa byin na ma 'ongs pa'i dus na rab tu phyug cing zas dang gos kyang yid bzhin du 'grub bo/ /tshe 'di la zas skom mi la sbyin pa la
215a7 dga' ba ni gar skyes pa thams cad du yid bzhin gyi zas su 'gyur zhing zas dang / skom yang ldan la dbang po rno zhing spobs pa che ste tshe ring bar 'gyur ro/ /gang gis byol song la zas byin na ni lan brgya 'gyur 'thob bo/ /log sred la sbyin pa sbyin pas ni lan stong
iiif viewer powered by OpenSeadragon
Texts on this page
D355 - dge ba dang mi dge ba'i las kyi rnam par smin pa bstan pa'i mdo