| e-texts navigator |
| བོད་ཡིག |
209a1 @#/ /dge ba dang mi dge ba'i las kyi rnam par smin pa bstan pa'i mdo/ bam po gcig go/ /'di skad bdag gis thos pa dus gcig na/ bcom ldan 'das mnyan yod na dze ta'i tshal skyabs med zas sbyin gyi kun dga' ra ba na/ byang chub sems
209a2 dpa' tshad med pa dang / lha dang mi'i 'khor mang pos bskor nas chos ston cing bzhugs so/ /de nas dga' bos 'gro ba mang po'i don gyi phyir bcom ldan 'das la 'di skad ces gsol to/ /bcom ldan 'das da ltar 'jig rten gyi khams 'dir rigs 'thun pa'i nang
209a3 'dir skyes pa las/ bzang po yang mchis/ mi sdug pa yang mchis/ drag po yang mchis/ zhan pa yang mchis/ dbul po yang mchis/ phyug po yang mchis/ nyon mongs pa yang mchis/ bde ba yang mchis/ btsan pa yang mchis/ ma rabs kyang mchis/
209a4 skad ni mi mtshungs/ tshig ni mi 'thun/ la la ni lo brgya lon nas 'chi ba yang mchis/ la la ni sum cu'am/ bcu lon nas 'chi ba yang mchis/ la la ni byad bzhin bzang yang dbul la/ la la ni mi sdug pa la phyug pa yang mchis/ nyams rtsal che ba ni ma rabs kyi
209a5 nang na yang mchis/ nyams rtsal chung la gral mtho ba yang mchis/ la la ni nyon mongs la tshe ring ba yang mchis/ la la ni skyid cing tshe thung / la la ni legs par spyod pa la byur dang phrad/ la la ni mi dge ba spyod pa la legs pa'i don du 'gyur ba yang mchis/ dkar
209a6 zhing sha bzang la mig yo ba yang mchis/ la la ni sngo zhing gnag la mdangs dang ldan pa yang mchis/ la la ni lus chung zhing thung la snying rtsal dang ldan pa yang mchis/ la la ni che zhing ring yang gzhan gyi bran g.yog bgyid pa yang mchis/ la la ni bu tsha mang ba yang
209a7 mchis/ la la ni rmongs pa yang mchis/ la la ni rtag par phyi rol du 'khyam la bkres pa yang mchis/ la la ni pho brang gi nang na 'dug cing gos dang zas kyis mi brel te longs spyod pa yang mchis/ gzhon na dbul zhing rgas na phyug cing btsan pa yang mchis/ drang
iiif viewer powered by OpenSeadragon
Texts on this page
D355 - dge ba dang mi dge ba'i las kyi rnam par smin pa bstan pa'i mdo