rKTs

e-texts navigator

Volume

Page

207b₁ byed pa la mngon par dga' ba gang yin pa de ni nyi zla'i lhar skye bar 'gyur bas 'od zer gyis bdag nyid gsal bar byed par 'gyur ro/ /tshe 'di la sbyin pa gtong ba la dga' ba dang / byams pa'i sems kyis srog chags gso bar dga' ba gang yin pa de ni skye ba thams cad phyug
207b₂ por 'gyur bas gos zas dag rang 'byung bar 'gyur ro/ /tshe 'di la skye bo mang po rnams la bza' ba dang btung ba sbyin pa la mngon par dga' ba gang yin pa de ni skye ba thams cad du lha'i zas rang 'byung bar 'gyur ba dang / gzugs dang stobs phun sum tshogs pa dang /
207b₃ dbang po rno zhing spobs pa dang ldan pa dang tshe ring bar 'gyur ro/ /gang gis dud 'gro'i gnas su song ba rnams la sbyin pa yongs su btang na rnam par smin pa'i 'bras bu brgya 'gyur snyed 'thob par 'gyur ro/ /'dod chen pa dag la sbyin pa yongs su btang na rnam
207b₄ par smin pa stong 'gyur snyed 'thob par 'gyur ro/ /tshul khrims dang ldan pa'i dge slong la sbyin pa yongs su btang na rnam par smin pa khri 'gyur snyed 'thob par 'gyur ro/ /gang gis theg pa chen po de bzhin gshegs pa'i gsang ba'i snying po 'khor mang po la yang
207b₅ dag par bsgrags nas sems kyi mig 'byed pa'i chos smra ba gang dag la sbyin pa yongs su btang na rnam par smin pa'i 'bras bu tshad med pa snyed thob par 'gyur ro/ /gang gis sangs rgyas dang / byang chub sems dpa' rnams la sbyin pa yongs su btang na rnam
207b₆ par smin pa'i 'bras bu mthar thug pa med pa snyed la longs spyod par 'gyur ro/ /gzhan yang gang zag rnam pa gsum la sbyin pa yongs su btang na rnam par smin pa'i 'bras bu yongs su gtugs par mi 'gyur te/ de bzhin gshegs pa rnams dang / pha ma
207b₇ dang nad pa rnams so/ /zas za gcig tsam yongs su btang bas kyang rnam par smin pa'i 'bras bu tshad med pa snyed thob par 'gyur ro/ /rtag par yongs su btang bas yongs su gtugs par mi 'gyur ba lta smos kyang ci dgos/ tshe 'di la dge 'dun mang po'i sku bsil

_{iiif viewer powered by OpenSeadragon}

207a - 208a

Texts on this page