| e-texts navigator |
| བོད་ཡིག |
202a1 ldan 'das kyis bka' stsal pa/ dge 'dun gyi gtsug lag khang du 'gro ba la sems rnam pa gnyis yod de/ dge ba'i sems dang mi dge ba'i sems gang yin pa'o/ /dge ba'i sems zhes bya ba ji lta bu zhe na/ gang gis gtsug lag khang du phyin nas de
202a2 bzhin gshegs pa mthong na phyag byed pa dang / dge 'dun mthong na gus par bkur sti byas nas mdo sde'i don 'dri bar byed pa dang / sdom pa yang dag par blangs nas nyes pa 'chags par byed pa dang / nor rdzas dag yongs su btang nas dkon mchog gsum gyi zhal ta
202a3 byed pa dang / lus dang srog la phangs pa med par chos chen po yongs su bsrung zhing yang dag par 'dzin par byed pa'i gang zag de lta bu dag ni gom pa gcig 'dor bar byed na yang lha'i gzhal med khang drung du 'ong zhing / ma 'ongs pa na khyim bdag shug de ka bzhin
202a4 du rnam par smin pa'i 'bras bu myong bar 'gyur ba gang yin pa de ni skyes bu mchog tu dge ba zhes bya'o/ /mi dge ba'i sems dang ldan pa ji lta bu zhe na/ sems can gang la la zhig gtsug lag khang du 'jug pa'i tshe dge 'dun la slongs mo dang / g.yar po dang / snga
202a5 skyin 'ba' zhig bya bar sems pa dang / dge 'dun gyi skyon tshol zhing rtse gcig tu rnam par bshig pa 'ba' zhig tu 'dod pa dang / dge slong gi dge 'dun gyi zas zos na yang sems la gnod pa ci yang med cing khur ba dang / shing tog dang / ldam ldum dag khyer nas rang
202a6 gi khyim du 'gro bar byed pa'i gang zag de lta bu dag shi 'phos ma thag tu lcags kyi thu lum za ba'i sems can dmyal bar ltung zhing zangs kyi nang du btso ba dang / sbar ba'i mes bsregs pa dang / ral gri lta bu'i ri lo ma can gyi ljon shing la 'dzeg pa la sogs pa'i sdug bsngal
202a7 gang yang mi myong ba med par 'gyur te/ 'di ni skyes bu mchog tu mi dge ba zhes bya'o/ /bcom ldan 'das kyis bka' stsal pa/ kun dga' bo 'di ni ngas ma 'ongs pa'i dus kyi slob ma dag la rjes su bstan pa yin gyis bag yod par bsgrims te/ dkon mchog gsum
iiif viewer powered by OpenSeadragon
Texts on this page
D354 - 'phags pa legs nyes kyi rgyu dang 'bras bu bstan pa zhes bya ba theg pa chen po'i mdo