rKTs

e-texts navigator

Volume

Page

198b₁ ni thung zhing bong chung yang sems rtsal dang ldan pa dang / kha cig ni ring zhing bong che yang gzhan dag gi g.yog bgyid pa dang / kha cig ni bu tsha mang la kha cig ni gcig pu gnas pa dang / kha cig ni slad rol du rgyu zhing bkres pa dang / grang ba dag gis nyen par
198b₂ 'gyur la/ kha cig ni khyim na gnas kyang gos zas dag la dga' 'byor pa dang / kha cig ni gzhon pa'i tshe dbul zhing phongs la rgas pa'i tshe gdod phyug por 'gyur ba dang / kha cig ni yus ma mchis bzhin du yang nongs pa ma mchis par nan gyis go rar stsal ba dang /
198b₃ kha cig ni pha ma yang snying rje dang ldan la bu yang sri zhu che zhing mdo sde dang gtsug lag gi don gleng bar bgyid la/ kha cig ni phu bo nu bo so sor phye nas 'thab cing rtsod par bgyid pa dang / kha cig ni khang khyim dag brtsigs nas 'byor pa sna tshogs dang ldan la/ kha cig ni
198b₄ khang khyim ma mchis pas gzhan dag la rten pa dang / kha cig ni bya 'dab chags bzhin du shing dang thang la gnas pa dang / kha cig ni gcan gzan gyi rnam pa dang mtshungs shing spu'i gos dang ldan pa zas su rtswa 'tshal zhing khrag 'thung ba dang / kha cig ni yi ge ma
198b₅ 'tshal ba dang / kha cig ni ci yang ma bgyis par bde ba'i rnam par smin pa myong bar 'gyur la/ kha cig ni sla ba bgyid pa'i gnas kyang mi rnyed pa dang / kha cig ni dbang po gsal bas shes pa dang ldan la/ kha cig ni dbang po mi gsal bas shes pa dang mi ldan pa dang /
198b₆ kha cig ni btsal na gdod thob par 'gyur la/ kha cig ni ma btsal bar yang rnyed par 'gyur ba dang / kha cig ni phyug kyang ser sna che la/ kha cig ni dbul por gyur kyang gtong ba la dga' ba dang / kha cig ni tshig smras pa rnams mnyan zhing des la/ kha cig ni tshig
198b₇ smras pa rnams gtum zhing brlang ba dang / kha cig ni mang po kun gyis bkur zhing snying du sdug par 'gyur la/ kha cig ni mang po kun gyis thag ring du spong bar bgyid pa dang / kha cig ni byams pa'i sems kyis srog chags gso bar bgyid la/ kha cig ni srog chags dpag

_{iiif viewer powered by OpenSeadragon}

198a - 199a

Texts on this page