rKTs

e-texts navigator

Volume

Page

128a₁ gis sangs rgyas la sogs pa dge slong gi dge 'dun khyim du bshos la spyan drangs nas/ dge slong de dag der dong ngo / /de nas de dag bcom ldan 'das kyis yo byad kyi zhal ta byed pa la bshos 'dir drongs shig ces bka' stsal to/ /sangs rgyas bcom ldan 'das rnams ni rnam pa
128a₂ lnga'i phyir/ yo byad kyi zhal ta byed pa la bshos len du 'jug par mdzad de/ nang du yang dag par 'jog par bzhed pa dang / lha rnams la chos ston par bzhed pa dang / nad pa gzigs par bzhed pa dang / mal stan gzigs par bzhed pa dang / nyan thos rnams la bslab pa'i
128a₃ gzhi bca' bar bzhed pa rnams kyi phyir ro/ /skabs 'dir ni bcom ldan 'das kyis 'dul ba la bslab pa'i gzhi bca' bar bzhed pa'i phyir ro/ /yo byad kyi zhal ta byed pa la bshos len du btang ngo / /de nas dge slong mang po khyim der dong ba rnams stan la 'khod nas 'thab ste/ mtshang
128a₄ 'dru zhing 'gyed la rtsod par gyur to/ /de dag 'thab ste mtshang 'dru zhing 'gyed la rtsod cing 'khod do/ /'tsham pa ma yin pa'i lus kyi las dang / 'tsham pa ma yin pa'i ngag gi las byed cing 'dug la/ ci tsam na rdeg par byed do/ /de nas bshos len du song bas bshos blangs
128a₅ nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go/ /de nas bcom ldan 'das kyis bshos len pa'i dge slong de la bka' stsal pa/ dge slong ci dge slong gi dge 'dun kha zas
128a₆ bzang pos tshim par gyur tam/ gsol pa btsun pa de ni de lags te/ dge slong gi dge 'dun kha zas bzang pos ni tshim par gyur lags na/ btsun pa 'on kyang dge slong mang po khyim der mchis pa rnams 'thab ste/ mtshang 'dru zhing 'gyed la rtsod par gyur to/ /
128a₇ de dag 'thab ste/ mtshang 'dru zhing 'gyed la rtsod cing 'khod de/ 'tsham pa ma lags pa'i lus kyi las dang / 'tsham pa ma lags pa'i ngag gi las bgyid cing 'khod la ci tsam na rdeg par yang bgyid do zhes gsol to/ /de nas bcom ldan 'das bshos gsol

_{iiif viewer powered by OpenSeadragon}

127b - 128b

Texts on this page