rKTs

e-texts navigator

Volume

Page

127a₁ mi snang bar dgar bar byas te/ phyir bcos su med pa dang / phyir 'byung du med par sdig pa'i lta bas dgar bar byas te/ gzhi des na dge 'dun gyi 'thab mo dang / mtshang 'dru ba dang 'gyed pa dang / rtsod pa 'byung bar 'gyur ro snyam du rig nas/ 'dod pa ma yin pas gleng bar ma byed cig /
127a₂ 'dod pa ma yin pas dran par ma byed cig /gal te 'dod pa ma yin pas gleng bar byed na 'gal bar 'gyur ro/ /de ltar de dag la bcom ldan 'das kyis bka' stsal kyang / de bzhin du 'thab cing mtshang 'dru la 'gyed cing rtsod de 'khod nas da dung yang gso sbyong byas par mi rtsi na/ skabs kyi gtam de dge slong
127a₃ rnams kyis bcom ldan 'das la gsol to/ /de nas bcom ldan 'das kyis dgar bar bcad pa'i dge slong dang / dgar bar bcad pa'i rjes su 'brang ba dang / dgar bar bcad pa'i rjes su 'brang ba'i rjes su 'brang ba rnams bkug nas bka' stsal pa/ dge slong dag khyed 'thab ste/ mtshang 'dru zhing
127a₄ 'gyed la rtsod cing ma 'khod cig ces ngas bsgo yang / de bzhin du khyed 'thab ste/ mtshang 'dru zhing 'gyed la/ rtsod cing 'khod de da dung yang gso sbyong byas par mi rtsi ba bden nam/ gsol pa bcom ldan 'das mad lags so/ /dge slong dag khyed 'thab ste/ mtshang 'dru zhing 'gyed la rtsod par ma byed
127a₅ cig dge slong dag khyed 'thab ste/ mtshang 'dru zhing 'gyed la rtsod cing 'khod na ni/ gso sbyong byed dam skabs 'byed pa'i las byed dam/ gsol ba dang gnyis kyi las byed dam/ gsol ba dang bzhi'i las byed kyang rung ste/ las de dag 'jig par gyur te/ bzhag dgos pa yin no/ /
127a₆ de ci'i phyir zhe na/ dge slong dag khyed ni de dag las tha dad par gnas par byed la de dag kyang khyed las tha dad par gnas par byed pa'i phyir ro/ /dge slong dag tha dad par gnas pa ni 'di gnyis yin te/ gang bdag nyid kyis bdag tha dad par gnas par 'dogs pa dang / gang dge 'dun
127a₇ 'thun pas tha dad par gnas par 'dogs pa'o/ /de la dge slong dag bdag gis bdag tha dad du gnas par 'dogs pa ci lta bu zhe na/ 'di ltar dge slong gis shes bzhin du chos bzhin gyi phyogs la chos bzhin ma yin pa'i phyogs yin par 'jog pa de lta bu ni/ bdag gis bdag tha dad par

_{iiif viewer powered by OpenSeadragon}

126b - 127b

Texts on this page