| e-texts navigator |
| བོད་ཡིག |
306b1 lan gyis sa'i mdog nyams par 'ong ngo / /ma byin par blangs na de'i lan gyis ser ba dang / bye ba dang / byi ba dang / srin mang du 'ong bar 'gyur ro/ /mi tshangs par spyod pa byas pas de'i las kyis khug rna dang / rlung dang rdul dang rdul chen po 'ong ba'i sar skye'o/ /mang du
306b2 byas pa'i las kyi 'bras bu ni khar mnam por 'gyur ba/ dbugs mi zhim par 'ong ngo / /phra ma mang du byas pa'i las kyi 'bras bu ni yul mtho dman can dang / lcang lcong can dang / mi gtsang ba dang / na rkong dang / rdo ba gram khrod can gyi yul du skye'o/ /kha khyal pa byas pa'i las
306b3 kyi 'bras bu ni grog po mang ba/ rtsi shing dang / yal ga dang / 'dab ma tsher ma can dang / nags tshang tshing can gyi yul du skye'o/ /brkam par byas pa'i 'bras bu ni 'bru 'bras ci yang phra mor 'ong ngo / /khro ba byas pa'i lan gyis sa bon 'bras bu tsha ba dang / skyur ba dang / kha bar 'ong ngo /
306b4 log par bltas pa dang / byed du bcug pa'i las kyi rgyus ni sa bon dang 'bras bu chung zhing ngan par 'ong ngo / 'di ltar mi dge ba bcu'i las byas pas phyi rol gyi yul sa rnams ngan par 'gyur zhing mi bde ba'i gnas su skye bar 'gyur ro/ /bcom ldan 'das kyis yang bka' stsal pa/
306b5 man pa ngan pa rnam pa bcur 'gyur ba yang go zhing shes par byos shig /bcu gang zhe na/ dgra mang du 'gyur ba/ yid du mi 'ong bar snang ba/ tshe thung ba/ sdig pa'i las la sems pa/ sems can rnams 'jigs par 'gyur ba/ mi dga' bzhin nyal ba/ mi dga' bzhin sad pa/
306b6 rmi lam na sdig pa mthong ba/ phyis 'gyod pa/ tshe thung ba'i las sems shing byed pa yin te/ shi nas lus dang bral na lam ngan par ltung zhing sems can dmyal bar skye'o/ ma byin par blangs na las kyi rnam par smin pa bcur 'gyur te/ bcu gang zhe na/ dgrar 'gyur ba yin/ dogs par
306b7 'gyur ba yin/ mi rigs par 'gro ba yin/ mtshan mo 'khyam pa yin/ sdig pa'i grogs po kun gyi nad kyis zin pa yin/ dge ba'i grogs po kun spangs pa yin/ khyims mi thub pa yin/ rgyal pos gyod btab pa yin/ chad pas bcad pa yin/ mi skyid par byed par 'gyur
iiif viewer powered by OpenSeadragon
Texts on this page
D339 - las kyi rnam par 'gyur ba zhes bya ba'i chos kyi gzhung