rKTs

e-texts navigator

Volume

Page

302a₁ pa gzhan la yang stan las langs te spag cing bsti stang ri mo dang / stan la sogs pa stobs pa dang / pha ma la sri zhu byed pa dang / mkhan po dang bla ma thar par zhugs pa rnams la gzhan la yang sri zhu byed pa/ ya rabs dang / ma rabs su yang khyad par mi byed cing snyoms pa/ yang
302a₂ dag par gshegs pa'i mchod rten gyi srog shing 'dzugs pa/ me tog gi phreng ba dang / gdugs 'dzugs pa dang bcu'o/ /ji ltar las kyis dbul por 'gyur zhe na/ chos bcus na dbul por 'gyur te/ bcu gang zhe na/ ma byin par len pa/ ma byin par len par 'jug pa/ ma byin par len pa la stod
302a₃ pa/ ma byin par len pa la smon pa/ pha ma la 'tsho ba rnams gcod pa mkhan po dang bla ma dang / thar par zhugs pa rnams kyi gtsug lag khang dang / gnas khang dang / mchod cing spyod pa kun gcod pa/ gzhan thob tu mi dga' ba/ gzhan gyis ma thob na dga' ba/ gzhan gyis thob pa la bgegs byed pa/
302a₄ mu ge byung du smon pa dang bcu'o/ /ji ltar las kyis phyug por 'gyur zhe na/ chos bcus na phyug por 'gyur te/ bcu gang zhe na/ ma byin par len pa spong ba/ ma byin par len pa spong bar 'jug pa/ ma byin par len pa spong ba la dga' ba/ pha ma la 'tsho ba sbyin pa/ mkhan po dang bla ma lhag ma dang gzhan rnams la
302a₅ gtsug lag khang dang / gnas dang rim par spyod pa dang / chos gos dang / mal stan dang / na ba'i gsos sman dang / g.yog dang / 'tsho ba sbyin pa gzhan gyis thob pa la dga' bar sems pa/ gzhan gyis don thob par nan tan du bsgrubs pa/ gzhan gyis ma thob pa la mi dga' ba/ phyogs bcu thams cad du
302a₆ lo legs par smon pa/ sbyin pa la sogs pa gtong ba'i gang zag rnams la rab tu dga' ba dang bcu'o/ /ji ltar las kyis ngan par 'gyur zhe na/ chos bcus na ngan par 'gyur te/ bcu gang zhe na/ gang zag su yang rung ste/ 'dri mi shes pa/ yang dag pa'i chos ma yin pa kun 'phel bar byed pa/
302a₇ yang dag pa'i chos spong ba/ yang dag pa'i chos 'chad pa la bsti stang dang ri mor mi byed pa/ ma gtsigs par smra ba la dge bar stod pa/ ngan pa'i gang zag rnams la 'khor zhing snyen pa/ yang dag pa la mkhas pa rnams spong ba/ log par lta ba la tshad mar 'dzin cing bstod pa/ yang

_{iiif viewer powered by OpenSeadragon}

301b - 302b

Texts on this page