| e-texts navigator |
| བོད་ཡིག |
299a1 bam po gcig go/ /sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan du yod pa na rgyal bu rgyal byed kyi tshal mgon med zas sbyin gyi kun dga' ra ba
299a2 na/ dge slong gi dge 'dun chen po brgya phrag phyed dang bcu gsum dang lhan cig tu bzhugs te/ de nas to'u te ya'i bu shu ko ma na ba/ bcom ldan 'das ga la ba der song ste phyin nas/ bcom ldan 'das dang lhan cig tu yang dag par mgu ba dang / yang dag par rangs
299a3 pa'i gtam rnam pa mang po bshad de phyogs gcig tu 'dug go/ /to'u te ya'i bu shu ko ma na ba phyogs gcig tu 'dug nas/ bcom ldan 'das la 'di skad ces gsol to/ /gau ta ma khyod la bdag cung shas shig 'dri na dris pa'i lan slar bka' stsal du gsol/ de
299a4 skad ces gsol pa dang / bcom ldan 'das kyis to'u te ya'i bu shu ko ma na ba la 'di skad ces gsungs so/ /ma na ba ji ltar 'dod pa bzhin du dris shig /ngas khyod la bshad par bya'o/ /de nas to'u te ya'i bu shu ko ma na bas bcom ldan 'das la 'di skad ces
299a5 gsol to/ /kye gau ta ma sems can rnams la tshe thung ba dang / tshe ring ba dang / nad mang ba dang / nad nyung ba dang / mi sdug pa dang / bzang po dang / dbang chung ba dang / dbang che ba dang / ma rabs kyi rigs dang / ya rabs kyi rigs dang / dbul po dang / phyug
299a6 po dang / ngan pa dang / shes rab che chung dang / skyid sdug la sogs pa rnam pa mang du mchis na/ kye gau ta ma las kyi rnam par smin pa gang gi phyir na sems can sna mang por 'gyur/ bcom ldan 'das kyis bka' stsal pa/ ma na ba khyod nyon la dge bar shin tu yid
299a7 la zung shig dang / de'i phyir ngas bshad do/ /ma na ba sems can rnams ni tshe rabs kyi las las gyur te/ sbyin pa'i rnams kyang las/ skye ba'i rnams kyang las/ so sor rgyu ba yang las te/ ma na ba sems can rnams ni las kyis rnam par bsgyur ro/ /de bas
iiif viewer powered by OpenSeadragon
Texts on this page
D339 - las kyi rnam par 'gyur ba zhes bya ba'i chos kyi gzhung