rKTs

e-texts navigator

Volume

Page

293a₁ yid du mi 'ong ba dang / sdig pa rnams sems pa dang / des sems can rnams 'jig par 'gyur ba dang / mi bde zhing nyal zhing mi bde bzhin sad pa dang / sdig pa can gyi rmi lam rmi ba dang / rmugs te tshe 'pho ba'i dus byed pa dang / 'gyod par 'gyur ba
293a₂ dang / tshe thung bar 'gyur ba'i las byed cing bsogs pa dang / lus zhig ste tshe 'phos pa'i 'og tu ngan song ngan 'gro log par ltung ba sems can dmyal ba rnams su skye bar 'gyur ro/ /ma byin par len pa la nyes dmigs bcur rig par bya ste/ bcu gang zhe na/ 'khon
293a₃ gcugs su 'gyur ba dang / dogs par 'gyur ba dang / dus ma yin par rgyu ba dang / mtshan mo rgyu ba dang / sdig pa'i grogs pos yongs su zin pa dang / dge ba'i bshes gnyen gyis rnam par spangs pa dang / tshul khrims 'chal par 'gyur ba dang / rgyal po'i gnod pa
293a₄ dang / chad pa'i gnod pa 'byung ba dang / longs spyod kyis phongs par 'gyur ba'i las byed cing sog pa dang / lus zhig nas tshe 'phos pa'i 'og tu ngan song ngan 'gro log par ltung ba sems can dmyal ba rnams su skye bar 'gyur ba'o/ /'dod pa la log par g.yem pa la
293a₅ nyes dmigs bcur rig par bya ste/ bcu gang zhe na/ gang dag gi chung ma la nyal po byed pa de dag de la glags tshol bar 'gyur ba dang / de chung ma dang rtsod par 'gyur ba dang / de la mi dge ba'i chos 'phel bar 'gyur ba dang / de'i dge ba'i chos yongs su 'grib cing yongs
293a₆ su zad par 'gyur ba dang / bdag ma sbas shing ma bsrungs pa dang / de'i bu dang / chung ma dang / nor rnams ma sbas shing ma bsrungs pa dang / dogs par 'gyur ba dang / mdza' bshes dang / blon po dang / nye du dang / snag gi gnyen mtshams rnams yid mi rton pa dang / byi bo
293a₇ byed pa dang bcas par 'gyur ba'i las byed cing sog pa dang / lus zhig nas tshe 'phos pa'i 'og tu ngan song ngan 'gro log par ltung ba sems can dmyal ba rnams su skye bar 'gyur ba'o/ /du smra ba la nyes dmigs bcur rig par bya ste/ bcu gang zhe na/ de kha mnam

_{iiif viewer powered by OpenSeadragon}

292b - 293b

Texts on this page