| e-texts navigator |
| བོད་ཡིག |
292b1 mi 'byung / ba yod kyang 'o ma mi 'byung / 'o ma yod kyang mar mi 'byung / de ltar mi dge ba bcu'i las kyi rnam par smin pas/ phyi rol gyi dngos po rnams rgud par 'gyur ro/ /dge ba bcu'i las kyi lam rnams yang dag par blangs pa'i rgyus/ phyi rol gyi dngos po
292b2 rnams phun sum tshogs par 'gyur te/ bcu gang zhe na/ srog gcod pa spangs pa'i rnam par smin pas ni sa'i mthu dang gzi byin med par mi 'gyur ro/ /ma byin par len pa spangs pa'i rnam par smin pas ni ser ba dang / byi ba dang / srin dang / mu ge la sogs
292b3 pa 'byung bar mi 'gyur ro/ /'dod pa la log par g.yem pa spangs pa'i rnam par smin pas ni/ btsa' dang sa 'bab pa dang / rdul dang / rlung dang / char drag po 'bab par mi 'gyur ro/ /du smra ba spangs pa'i rnam par smin pas ni dri mi zhim pa 'byung bar mi
292b4 'gyur ro/ /phra ma spangs pa'i rnam par smin pas ni ngam grog dang / g.yang sa dang / 'dam rdzab dang / ngan skyugs kyi ljan ljin dang / dong la sogs par 'byung bar mi 'gyur ro/ /ngag rtsub po spangs pa'i rnam par smin pas ni gseg ma dang gyo mo dang gyo dum gyis reg pa
292b5 'byung bar mi 'gyur ro/ /tshig kyal pa spangs pa'i rnam par smin pas ni rtswa tshang tshing dang nags thibs po dang / tsher ma tshang tshing rnams 'byung bar mi 'gyur ro/ /chags sems spangs pa'i rnam par smin pas ni lo thog la sogs pa 'bras bu dang bcas pa 'byung bar 'gyur ro/ /
292b6 gnod sems spangs pa'i rnam par smin pas ni/ lo legs pa dang / 'bras bu dang / sa bon mi kha ba dang mi tsha ba rnams 'byung bar 'gyur ro/ /log par lta ba spangs pa'i rnam par smin pas ni/ 'bras bu med pa dang 'bras bu chung ba ma yin pa'i sa bon rnams 'byung bar
292b7 'gyur te/ dge ba bcu'i las kyi lam bcu po 'di dag yang dag par blangs pa'i rgyus phyi rol gyi dngos po bcu phun sum tshogs par 'gyur ro/ /de la srog gcod pa la nyes dmigs bcu po 'di dag 'byung bar rig par bya ste/ bcu gang zhe na/ dgra mang ba dang / mthong na
iiif viewer powered by OpenSeadragon
Texts on this page
D338 - las rnam par 'byed pa