| e-texts navigator |
| བོད་ཡིག |
282a1 te/ rnam par shes pa mtha' yas so snyam nas rnam shes mtha' yas skye mched rdzogs par byas te gnas pa dang / rnam pa thams cad du rnam shes mtha' yas skye mched las yang dag par 'das te/ ci yang med do snyam nas ci yang med pa'i skye
282a2 mched rdzogs par byas te gnas pa dang / rnam pa thams cad du ci yang med pa'i skye mched las yang dag par 'das te/ 'du shes med 'du shes med min skye mched rdzogs par byas te gnas pa ste/ las de lta bu ni gzugs med pa'i khams la spyod pa'i lhar skye
282a3 bar 'gyur ba'o/ /de la byas la ma bsags pa'i las yod de de gang zhe na/ byas nas ngo tsha bar 'dzin pa dang 'gyod pa dang smod pa dang 'chags pa dang mthol ba dang / spong ba dang phyin cad mi byed par sdom pa ste/ las de lta bu ni byas pa ma bsags pa'o/ /de la
282a4 bsags la ma byas pa'i las yod de de gang zhe na/ las gang lus kyis yongs su rdzogs par byas pa de/ /sems kyis yongs su rdzogs par byas shing tshig tu yang las 'di bya'o zhes smras la de ma byas pa ste/ las de lta bu ni bsags la ma byas pa'o/ /de la byas
282a5 kyang byas la bsags kyang bsags pa'i las yod de de gang zhe na/ las gang byas nas mi 'dzem pa dang mi ldog pa dang mi 'gyod pa dang mi smod pa dang mi 'chags pa dang mi mthol ba dang mi 'dor ba dang / mi spong ba dang phyin cad mi sdom par byed pa ste/ las de lta bu ni
282a6 byas kyang byas la bsags kyang bsags so/ /de la byas kyang ma byas la bsags kyang ma bsags pa'i las yod de de gang zhe na/ las gang ched du ma bsags par byas pa/ rmi lam na byas pa'am byed du bcug pa lta bu ste/ las de lta bu ni byas kyang ma byas la bsags
282a7 kyang ma bsags pa'o/ /las gang dang ldan na gang zag sems can dmyal bar skyes nas sems can dmyal ba'i tshe yongs su rdzogs par zad par byas nas tshe 'pho bar 'gyur ba'i las yod de de gang zhe na/ 'di ni la la zhig gis sems can dmyal ba'i las byas shing bsags
iiif viewer powered by OpenSeadragon
Texts on this page
D338 - las rnam par 'byed pa