rKTs

e-texts navigator

Volume

Page

281b₁ chung ngu spyad pa dang nga rgyal dang mngon pa'i nga rgyal dang nga'o zhes pa'i nga rgyal dang chung ba'i nga rgyal dang legs pa spyad pa'i dge ba'i rtsa ba der bsngos pa dang / shes rab kyi sgo nas 'dod chags kun gyi rab las byung ba'i tshul khrims ngan pa spyad pa ste/ las de lta bu ni lha ma yin gyi 'jig rten
281b₂ du skye bar 'gyur ba'o/ /de la mir skye bar 'gyur ba'i las yod de de gang zhe na/ de ni dge ba bcu'i las kyi lam goms par byas pa ste bcu gang zhe na/ srog gcod pa dang ma byin par len pa dang 'dod pas log par g.yem pa ste lus kyi las gsum dang / du smra ba dang
281b₃ phra ma dang ngag rtsub pa dang tshig kyal pa ste ngag gi las bzhi dang / gzhan gyi nor la chags sems su byed pa dang gnod sems dang log par lta ba ste yid kyi las gsum dang mi dge ba'i las bcu po de dag spong ba ste/ las de lta bu ni mir skye bar 'gyur ba'o/ /de la 'dod
281b₄ pa'i khams na spyod pa'i lhar skye bar 'gyur ba'i las yod de de gang zhe na/ de ni dge ba bcu'i las kyi lam yongs su rdzogs shing legs par sbyangs pa ste/ las de lta bu ni 'dod pa'i khams na spyod pa'i lhar skye bar 'gyur ba'o/ /de la gzugs kyi khams na spyod pa'i lhar
281b₅ skye bar 'gyur ba'i las yod de de gang zhe na/ dge ba bcu'i las kyi lam rnams legs par sbyangs shing shin tu mnyam par bzhag pa dang khyad par du shin tu 'phags pa dang yongs su rdzogs par byas pa ste/ las de lta bu ni gzugs kyi khams na spyod pa'i lhar skye bar
281b₆ 'gyur ba'o/ /de la gzugs med pa'i khams na spyod pa'i lhar skye bar 'gyur ba'i las yod de de gang zhe na/ gzugs med pa'i snyoms par 'jug pa bzhi ste/ gzugs kyi 'du shes rnams las rnam pa thams cad du yang dag par 'das te/ thogs pa'i 'du shes
281b₇ rnams med par gyur cing sna tshogs kyi 'du shes rnams yid la mi byed pas nam mkha' mtha' yas so snyam nas nam mkha' mtha' yas skye mched rdzogs par byas te gnas pa dang / rnam pa thams cad du nam mkha' mtha' yas skye mched las yang dag par 'das

_{iiif viewer powered by OpenSeadragon}

281a - 282a

Texts on this page