rKTs

e-texts navigator

Volume

Page

280b₁ las/ chang gi nyes pa sum cu rtsa lnga gsungs pa dge ba'i phyogs su sbyar ba lta bu ste/ las de lta bu ni shes rab che bar 'gyur ba'o/ /de la sems can dmyal bar skye bar 'gyur ba'i las yod de de gang zhe na/ de ni shin tu zhe sdang ba'i sems kyis lus dang ngag dang
280b₂ yid kyi nyes pa cher byas pa dang chad par lta ba dang rtag par lta ba dang / med par lta ba dang ser sna che ba dang drin du mi gzo ba dang mtshams med pa'i las byed pa dang 'phags pa dang tshul khrims dang ldan pa rnams la skur pa 'debs pa ste/ las de lta bu ni sems can dmyal
280b₃ bar skye bar 'gyur ro/ /de la dud 'gro'i skye gnas su skye bar 'gyur ba'i las yod de/ de gang zhe na/ lus dang ngag dang yid kyis nyes pa 'bring du byas pa dang / 'dod chags las byung ba'i las sna tshogs dang / zhe sdang las byung ba'i las sna tshogs dang / gti
280b₄ mug las byung ba'i las sna tshogs dang / pha ma dang rab tu byung ba rnams la tshul dang mi 'dra ba'i sbyin pa byed pa dang / dud 'gro'i skye gnas su skyes pa'i sems can rnams la phyas byed pa dang de ltar smon pa ste/ dper na ba lang gi brtul zhugs can dang / bya'i brtul
280b₅ zhugs can la sogs pa de ltar skye bar shog cig ces smon pa rnams dang / byang chub sems dpa'i ched du brjod pa seng ge'i skyes pa'i rabs las byung ba dang / bram ze char 'bebs spre'ur skyes par gyur pa ste/ dper na bram ze char 'bebs kyis gnas brtan 'od
280b₆ srung chen po bya rgod 'phungs pa'i ri la/ rgyal po'i khab kyi steng nas nam mkha' la 'gro ba mthong nas/ lhas byin dang ma skyes dgra'i sten las zhe sdang ba'i sems su gyur te/ dge slong 'di ni ri las rir/ nam mkha' las nam mkhar/ spre'u shing las shing gi
280b₇ steng du 'dzeg pa dang 'dra bar 'gro'o zhes mi snyan pa'i tshig tu brjod pa de bcom ldan 'das la gsol to/ /bram ze char 'bebs pa 'dis khros pa'i sems kyis mi snyan pa de skad du brjod na/ btsun pa bcom ldan 'das de'i rnam par smin pa cir 'gyur zhes zhus pa dang / bcom

_{iiif viewer powered by OpenSeadragon}

280a - 281a

Texts on this page