rKTs

e-texts navigator

Volume

Page

280a₁ la 'tsho ba 'bul ba dang nad pa dang byis pa dang rgan pa dang phongs pa gzhan la yang 'tsho ba'i sbyin pa byed pa dang gzhan gyis thob na dga' ba dang lo legs par dga' ba ste/ mdo de nyid las dge slong dag gzhan yang tshul khrims dang ldan pa rnams 'ongs
280a₂ pa dag la sbyin pa byed cing / bsod nams byed pa'i rigs de dag de'i tshe longs spyod che bar 'gyur ba'i lam du zhugs pa yin no zhes gsungs pa lta bu ste/ las de lta bu ni longs spyod che bar 'gyur ba'o/ /de la shes rab chung bar 'gyur ba'i las yod de/ de gang
280a₃ zhe na/ de ni 'di la la la zhig dge sbyong ngam bram ze gzhan dag la chos ni gang yin/ chos ma yin pa ni gang yin/ bdag gis ci zhig byas na legs par 'gyur zhes mi 'dri'i/ shes rab 'chal pa la bstod cing mkhas pa rnams spong ba dang dam pa'i chos ma yin pa
280a₄ yongs su ston cing chos smra ba rnams kyis legs par rjod par shes kyang 'jungs pa'i sems yod pas legs so zhes mi rjod cing / dam pa'i chos ma yin pa smra ba rnams la legs so zhes rjod cing log par lta ba'i bsngags pa rjod pa dang yang dag pa'i lta ba la nyes par smod
280a₅ pa dang glegs bam 'dri ba dang klog pa la ngan du rjod pa dang de dag gi 'tsho ba 'phrog pa ste/ las de lta bu ni shes rab chung bar 'gyur ba'o/ /de la shes rab che bar 'gyur ba'i las yod de de gang zhe na/ de ni 'di la yongs su 'dri phod pa'i ngang tshul can la la zhig gis dge
280a₆ sbyong dang bram ze mkhas pa la 'dri ba dang / shes rab 'chal pa yongs su spong ba dang / dam pa'i chos ston cing gsal bar byed pa dang / dam pa'i chos ma yin pa la rnam par smod pa dang / chos smra ba rnams la mi 'jigs pa nye bar sgrub pa dang / rigs pa la legs
280a₇ so zhes zer ba dang / mi rigs pa yongs su spong ba dang / yang dag par lta ba'i legs pa rjod pa dang / log par lta ba la nyes par dmod pa dang / glegs bam dang snag tsa dang smyug gu la sogs pa'i sbyin pa byed pa dang chang mi 'thung ba ste/ dper na dga' bo'i mdo

_{iiif viewer powered by OpenSeadragon}

279b - 280b

Texts on this page