| e-texts navigator |
| བོད་ཡིག |
277a1 su lan gsum du bzlas te rnam pa bcu gnyis kyi chos kyi 'khor lo chos dang ldan pa dge sbyong ngam bram ze 'am lha 'am bdud dam tshangs pa'am sus kyang 'jig rten du chos dang 'thun par 'ga' yang ma bskor ba/ skye bo mang po la phan pa dang / skye bo
277a2 mang po la bde ba dang / 'jig rten la snying brtse ba dang / lha dang mi rnams kyi don dang phan pa dang bde ba'i phyir bskor bas lha'i ris mngon par 'phel zhing lha ma yin gyi ris yongs su nyams so zhes dbyangs bsgrags so/ /bcom ldan 'das kyis bA rA Na sIr drang srong
277a3 smra ba'i kyi nags su lan gsum du bzlas te/ rnam pa bcu gnyis su chos kyi 'khor lo chos dang ldan pa bskor bas/ de'i phyir chos kyi rnam grangs 'di la chos kyi 'khor lo bskor ba zhes tshig su btags so/ /chos kyi
277a4 'khor lo'i mdo rdzogs so/ / @#/ /rgya gar skad du/ karma bi b+hang+ga/ bod skad du/ las rnam par 'byed pa/ bam po dang po/ sangs rgyas dang byang chub sems dpa' thams cad la phyag 'tshal lo/ /
277a5 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs te/ der bcom ldan 'das kyis bram ze'i khye'u shu ka la bka' stsal pa/ bram ze'i bu khyod la las rnam par 'byed
277a6 pa bstan gyis/ de legs par shin tu nyon la yid la zung shig dang ngas bshad kyis/ bcom ldan 'das de ltar bgyi'o zhes nas bram ze'i khye'u shu ka/ bcom ldan 'das la phyir nyan pa dang bcom ldan 'das kyis de la 'di skad ces bka' stsal to/ /bram ze'i bu ngas ni
277a7 sems can rnams bdag gi las las su gyur pa las kyi rgyu las skyes pa las kyi skal ba la spyod pa/ las la rten par gsungs te/ bram ze'i bu las ni 'di lta ste/ sems can rnams rab dang 'bring dang tha mar rnam par 'byed do/ /de ni 'di ltar tshe thung bar 'gyur ba'i las
iiif viewer powered by OpenSeadragon
Texts on this page
D337 - chos kyi 'khor lo'i mdo
D338 - las rnam par 'byed pa