| e-texts navigator |
| བོད་ཡིག |
259b1 'gro/ /las dang las kyi rnam smin dang / /gnyi ga la yang gang dad cing / /yang dag lta ba yang dag 'dzin/ /skye bo de dag mtho ris 'gro/ /dge ba'i chos rnams 'di dag ni/ /dkar po'i chos kyi lam bcu ste/ /gang dag yang dag 'dzin 'gyur ba/ /skye bo
259b2 de dag mtho ris 'gro/ /bram ze mya ngan 'das pa dang / /dgra dang 'jigs pa kun 'das shing / /'jig rten chags med rgal ba ni/ /mang po yod par ma mthong ngo / /bcom ldan 'das kyis de skad ces bka' stsal nas lha de yi rangs te/ bcom ldan 'das
259b3 kyis gsungs pa la mngon par bstod do/ /lha'i mdo nyung ngu rdzogs so// //zhu chen gyi lo ts+tsha ba ban de ye shes sdes bsgyur cing zhus te gtan la phab pa// @#/ /rgya gar skad du/ tsan+d+ra sU tra/ bod skad du/ zla ba'i mdo/
259b4 dkon mchog gsum la phyag 'tshal lo/ /'di skad bdag gis thos pa dus gcig na/ bcom ldan 'das yul tsam pa can na 'gro ba po'i rdzing bu'i 'gram na bzhugs te/ de'i tshe lha ma yin gyi dbang po sgra gcan gyis zla ba'i dkyil 'khor thams cad 'od kyis bkab
259b5 par gyur to/ /de nas zla ba'i dkyil 'khor na gnas pa'i lha gang yin pa de skrag cing dngangs la mi dga' bar gyur nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs
259b6 gcig tu 'dug nas lha des de'i tshe tshigs su bcad de gsol pa/ kun las rnam par rab grol ba'i/ /sangs rgyas dpa' bo khyod phyag 'tshal/ /gnod pa dag dang phrad gyur pa/ /bdag gi skyabs ni mdzad par gsol/ /'jig rten dgra bcom bde gshegs la/ /
259b7 zla ba skyabs su mchi lags kyis/ /sangs rgyas 'jig rten thugs brtse rnams/ /zla ba thar mdzod sgra gcan las/ /bcom ldan 'das kyis bka' stsal pa/ /sgra gcan zla ba mun sel ba/ /nam mkha' dag la 'od byed cing / /lam mer 'dug la dkar
iiif viewer powered by OpenSeadragon
Texts on this page
D330 - lha'i mdo nyung ngu
D331 - zla ba'i mdo