| e-texts navigator |
| བོད་ཡིག |
208b1 'dir ni chos srung ngo / /chos spyod pa la 'jigs skrag med pa nyid/ /chos spyod pa dag ngan 'gror mi 'gro ste/ /chos spyod pa ni 'dod pa'i 'gro bar 'gro/ /chos mi spyod pa shi nas gdung bar 'gyur/ /mkhas pa nor rnyed dga' bar mi 'gyur la/ /nor zad na yang blo gros mi 'khyim par/ /
208b2 'jig rten dag na ci dgar legs rgyu ba/ /sems can nang na mi yi snying por chud/ /gang zhig dga' bas gzhan la nor sbyin zhing / /nga rgyal 'tshe ba rnam spangs bden la gnas/ /rgya mtsho 'dra ba'i sems ldan de dag ni/ /dpa' bo rtul phod ya rabs thabs ldan yin/ /gang zhig de
208b3 dang de la legs bslabs pas/ /don rnams kun la mkhas par gyur pa dang / /des la 'grogs na bde ba de dag ni/ /dam pas legs pa yin zhes bsngags pa mdzad/ /nye rngas smras pa/ rnga khyod la ni phyi phyir zhing / /'di bdag ni rab tu dad/ /bdag gi lus
208b4 'di bskams pa'am/ /yang na sems ni med kyang sla/ /sdug bsngal shin tu mi bzad par/ /lhung yang phyin chad sdig mi bgyid/ /tshul khrims nyams pa gson pa bas/ /tshul khrims ldan pa shi yang sla/ /skye ba gcig tu 'di yi phyir/ /ji lta bur ni mi zad sbyang / /bcom ldan
208b5 'das kyis bka' stsal pa/ /sngon tshe gang du rab gnas shing / /de dang der ni skyes pa na/ /mi dge'i grogs dang 'grogs pa yis/ /nga yi mi dge las rnams byas/ /dge ba'i bshes dang phrad pa na/ /mi dge'i las rnams spangs pa yis/ /bdag gis mi dge'i las rnams bsal/ /
208b6 bcom ldan de bzhin gshegs pa yis/ /sngon gyi gnas rnams mngon mkhyen nas/ /de phyir dge slong rnams la ni/ /thub pas lung yang bstan par mdzad/ /sngon tshe nga ni rngar gyur te/ /kun dga' bo ni nye rnga yin/ /lha sbyin rnga sgrar gyur to zhes/ /skyes rabs de ltar gzung bar gyis/ /
208b7 chos rnams sdud par byed pa yi/ /don rgyas mdo sde 'di thos nas/ /dge slong thams cad gus bcas par/ /chos la spyad pa nyid du gyis/ /klu'i rgyal po rnga sgra'i tshigs su bcad pa rdzogs so// //
iiif viewer powered by OpenSeadragon
Texts on this page
D325 - klu'i rgyal po rnga sgra'i tshigs su bcad pa