rKTs

e-texts navigator

Volume

Page

203a₁ 'gyur/ /su dag bde bar gshegs pa'i mchod rten la/ /mchod pa'i khyad par ci yod ci 'byor pa/ /'tsham par 'bul byed de dag dri med cing / /mya ngan med pa'i bla med byang chub 'thob/ /mi rnams gang dag sangs rgyas mchod rten nam/ /sku gzugs dag la mgos btud
203a₂ gus phyag 'tshal/ /de dag lha rnams dang ni mi rnams kyis/ /cher yang che bar bkur ba'i gnas su 'gyur/ /su zhig dad pas thub pa'i mchod rten nam/ /sku gzugs dag la skor ba byed pa de/ /phyi ma'i tshe la dgra chen rnams kyis btud/ /bzang po'i snod 'gyur yon tan
203a₃ rnams dang ldan/ /mi rnams su dag dga' bzhin gus pa yis/ /bla med mchod rten rnams dang sku gzugs la/ /lus kyi las rnams byed pa de dag ni/ /srid pa kun tu mdzod rnams shin tu rgyas/ /rgyal ba'i mchod rten rol mo'i sgra phul bas/ /zab cing rigs pa'i spobs pa phun
203a₄ sum tshogs/ /yan lag lnga rdzogs yid 'ong tshig dang ldan/ /sgra skad dag gis 'jig rten 'gengs par byed/ /su dag rgyal ba'i gdung ldan stod byed pa/ /de dag gling bu'i sgra dang glu snyan dang / /sgra snyan yid du 'ong ba thob pa dang / /so so yang dag rig pa'ang thob par 'gyur/ /mi
203a₅ rnams gang dag rtswa shing so phag gis/ /'jig rten bla ma'i spyi gab rig pas byed/ /yang na gzhan dag byed du 'jug kyang rung / /de dag 'gro ba rnams kyi skyabs 'drar 'gyur/ /mi rnams gang dag rgyal ba'i gtsang khang byed/ /de dag 'gro ba rnams su 'khor ba na/ /lha dbang gnas
203a₆ 'dra'i khang khyim 'od 'bar ba/ /dus tshigs kun tu bde ldan thob par 'gyur/ /mtho ris las bzang 'bras bu'i gnas rnams su/ /bskal par dga' byed rtag tu dga' bzhin du/ /rtsen par byed cing mya ngan med pa dang / /tha mar zhi ba'i go 'phang thob par 'gyur/ /gang dag
203a₇ 'ja' khugs 'dra ba'i rta babs mdzes/ /thub pa'i chab sgor sbreng byed de dag ni/ /srid pa gzhan du khang khyim sgo dang bcas/ /rnam par brgyan pa rnams ni thob par 'gyur/ /mi rnams gang dag ston pa'i sku gdung khang / /bsrung phyir dad pas 'obs dang sgo 'dzugs

_{iiif viewer powered by OpenSeadragon}

202b - 203b

Texts on this page