rKTs

e-texts navigator

Volume

Page

193b₁ mchog tu dga' ba'i dngos po yin no/ /bcom ldan 'das de bdag gi bde ba'i chos mang po sgrub pa'o zhes mchog tu dga' ba skye ba 'di ni dad pa can gyi mchog tu dga' ba'i dngos po yin no/ /bcom ldan 'das de bdag gi sdig pa mi dge ba'i chos rnam pa du ma
193b₂ sel ba'o zhes mchog tu dga' ba skye ba 'di ni dad pa can gyi mchog tu dga' ba'i dngos po yin no/ /bcom ldan 'das de bdag gi dge ba'i chos rnam pa du ma sgrub pa'o zhes mchog tu dga' ba skye ba 'di ni dad pa can gyi mchog tu dga' ba'i dngos po yin no/ /tshe
193b₃ dang ldan pa dag 'phags pa nyan thos chos bzhi la brten na chos lnga bsgom pa yongs su rdzogs par 'gyur te/ 'dun pa dang brtson 'grus dang dben pa dang phyir mi zlog pa'o/ /chos lnga po gang dag bsgom pa yongs su rdzogs par 'gyur zhe na/ mchog tu dga' ba dang dga'
193b₄ ba dang shin tu sbyangs pa dang bde ba dang ting nge 'dzin to/ /tshe dang ldan pa dag de chos lnga po de dag kun tu bsags shing nye bar bsags na zug rngu brgyad med par 'gyur te/ 'di lta ste/ 'dod chags kyi zug rngu dang zhe sdang gi zug rngu dang gti mug gi zug rngu dang / nga rgyal
193b₅ gyi zug rngu dang sred pa'i zug rngu dang / lta ba'i zug rngu dang / the tshom dang som nyi'i zug rngu'o/ /zug rngu brgyad po de dag med par gyur na mi slob pa'i chos bcu thob par 'gyur te/ mi slob pa'i yang dag pa'i lta ba dang / yang dag pa'i
193b₆ rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin dang / yang dag pa'i rnam par grol ba dang / yang dag pa'i ye shes so/ /mi slob pa'i
193b₇ chos bcu po de dag skyes shing thob ste ldan na 'phags pa yan lag lnga spangs pa/ yan lag drug dang ldan pa bsrung ba gcig pa/ rton pa bzhi dang ldan pa/ so so'i bden pa bsal ba/ bsal ba spangs pa/ kun tu rtog pa'i rnyog pa med par rnyed do// //

_{iiif viewer powered by OpenSeadragon}

193a - 194a

Texts on this page