rKTs

e-texts navigator

Volume

Page

193a₁ ba'am/ spyod yul la gus pa'am/ mdor bstan pa'am/ dmigs kyis bsal ba'am/ kun tu skyo ba mang ba'am/ bla ma la rten pa'am/ yang dag pa'i sbyor ba yid la byed pa'i sems myur ba myur bar yang dag par gnas so/ /de dbugs rngub pa
193a₂ dang 'byung ba dran pa sgom pa'i sems myur ba myur bar yang dag par gnas so/ /de dran pa nye bar gzhag pa rnams sgom pa'i sems myur ba myur bar yang dag par gnas so/ /tshe dang ldan pa dag 'phags pa nyan thos de ltar yang dag par tshul bzhin yid la byas pa'i bdag
193a₃ nyid kyi bar du gcod pa ni bcu gcig tu rig par bya ste/ 'di lta ste/ yang dang yang du tshogs par 'du ba dang / zas la gdu ba nyid dang las la dga' ba nyid dang smra ba la dga' ba nyid dang 'du 'dzi'i gtam la dga' ba nyid dang 'du 'dzi la dga' ba nyid dang bdag tu 'dzin
193a₄ pa dang / 'phyar ba dang bag med pa dang yul du mi gnas pa'o/ /tshe dang ldan pa dag bar du gcod pa ma bcom pa de dag yang dag par 'joms pa mkhas pa bcu la bslab par bya ste/ 'di lta ste/ ting nge 'dzin la mkhas pa dang ting nge 'dzin la gnas pa la mkhas
193a₅ pa dang / ting nge 'dzin las ldang ba la mkhas pa dang rab tu 'dzin pa la mkhas pa dang / btang snyoms la mkhas pa dang / skye mched la mkhas pa dang thabs la mkhas pa dang mngon par sgrub pa la mkhas pa'o/ /tshe dang ldan pa dag 'phags pa nyan thos de ltar
193a₆ mngon par sgrub pa la mkhas pa la mchog tu dga' ba'i dngos po bcu gsum skye ba na skye ste/ dad pa can de ston pa'am chos sam dge 'dun nam bdag gi tshul khrims sam gzhan gyi tshul khrims sam/ bdag gi sbyin par bya ba'i chos rnams sam bdag gi rtogs
193a₇ pa'am/ gzhan gyi rtogs pa yid la byed pa na/ mchog tu dga' ba skyed pa 'di ni dad pa can gyi mchog tu dga' ba'i dngos po yin no/ /bcom ldan 'das de bdag gi sdug bsngal gyi chos mang po sel ba'o zhes mchog tu dga' ba skye ba 'di ni dad pa can gyi

_{iiif viewer powered by OpenSeadragon}

192b - 193b

Texts on this page