rKTs

e-texts navigator

Volume

Page

189a₁ dang tshigs su bcad pa la mi brten par bya'o/ /gtam de dag smra ba na bdag la bstod par mi bya/ gzhan la smod par mi bya bar gtam bya'o/ /tshe dang ldan pa dag chos nyan par 'dod pas rnam pa bcu drug gis mnyan par bya ste/
189a₂ 'di lta ste/ dus su chos mnyan par bya ba dang / bkur stir bya ba dang / gus par nyan pa dang / ma rangs pa med pa dang / bsgo ba bzhin nyan pa dang / klan ka mi tshol ba dang / chos la gus par bya ba dang / chos smra ba'i gang zag la gus par bya ba dang / chos la
189a₃ mi brnyas pa dang / chos smra ba'i gang zag la mi brnyas pa dang / bdag la mi brnyas pa dang / rtse gcig pa'i sems dang / kun shes par bya ba'i sems dang / rna ba blags te mnyan pa dang / sems bsdus te sems thams cad kyis bsams te chos la
189a₄ mnyan par bya'o/ /de de ltar chos yang dag par nyan pa na mya ngan las 'das pa gtsor bya ba la dad cing sems dang ba skye bar 'gyur ro/ /mya ngan las 'das pa gtsor bya ba sems mchog tu dga' ba dang / yi rangs pa skye bar 'gyur ro/ /mya ngan las 'das
189a₅ pa gtsor bya ba la zang zing med par dga' bar skye bar 'gyur ro/ /mya ngan las 'das pa gtsor bya ba la nye ba'i nyon mongs pa rnams spong zhing sems mnyam par 'jog pa dang / som nyi rnams sel ba dang lta ba drang por byed par 'gyur ro/ /mya ngan las 'das
189a₆ pa gtsor bya ba la sems rnal 'byor du 'gyur ba dang rtun pa dang rjes su brtson pa dang spong ba dang nang du yang dag 'jog dang don gyi mchog par 'gyur ro/ /mya ngan las 'das pa gtsor bya ba la 'du byed thams cad zhi ba dang / stong pa nyid du dmigs pa dang /
189a₇ sred pa zad pa dang 'dod chags dang bral ba dang 'gog pa dang mya ngan las 'das pa la sems rab tu 'jug cing dang ba dang / yang dag par gnas pa dang rnam par grol bar 'gyur ro/ /mya ngan las 'das pa gtsor bya ba la phung po mi rtag pa nyid dang phung po

_{iiif viewer powered by OpenSeadragon}

188b - 189b

Texts on this page