| e-texts navigator |
| བོད་ཡིག |
170a1 @##/ /rgya gar skad du/ ar+ya tsa tUHsat+ya sU tra/ /bod skad du/ 'phags pa bden pa bzhi'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das dmar bu can gyi grong khyer dang
170a2 rgyal po'i khab kyi bar gyi dbus na rgyal po'i gnas 'od ma'i dbyug pa can nub mo nye bar rten cing dge slong gi dge 'dun chen po dang thabs cig tu bzhugs so/ /de nas bcom ldan 'das kyis dge slong rnams la bka' stsal pa/ dge slong dag nga dang khyed cag kho nas 'phags
170a3 pa'i bden pa bzhi po de dag ma shes ma mthong / khong du ma chud/ so sor ma rtogs pas lam ring po 'dir rgyug cing 'khor bar gyur to/ /bzhi po de gang zhe na/ nga dang khyed cag kho nas sdug bsngal 'phags pa'i bden pa ma shes ma mthong / khong du ma chud so sor ma
170a4 rtogs pas lam ring po 'dir rgyug cing 'khor bar gyur to/ /nga dang khyed cag kho nas sdug bsngal kun 'byung 'phags pa'i bden pa ma shes ma mthong / khong du ma chud/ so sor ma rtogs pas lam ring po 'dir rgyug cing 'khor bar gyur to/ /nga dang khyed cag kho
170a5 nas sdug bsngal 'gog pa 'phags pa'i bden pa ma shes ma mthong / khong du ma chud/ so sor ma rtogs pas lam ring po 'dir rgyug cing 'khor bar gyur to/ /nga dang khyed cag kho nas sdug bsngal 'gog par 'gro ba'i lam 'phags pa'i bden pa ma shes ma mthong /
170a6 khong du ma chud/ so sor ma rtogs pas lam ring po 'dir rgyug cing 'khor bar gyur to/ /dge slong dag ngas sdug bsngal 'phags pa'i bden pa rjes su rtogs shing so sor rtogs te srid pa'i sred pa bcad pas 'khor ba'i skye ba zad de da ni srid pa gzhan med do/ /ngas
170a7 sdug bsngal kun 'byung 'phags pa'i bden pa rjes su rtogs shing so sor rtogs te/ srid pa'i sred pa de bcad pas 'khor ba'i skye ba zad de/ da ni srid pa gzhan med do/ /ngas sdug bsngal 'gog pa 'phags pa'i bden pa rjes su rtogs shing so sor rtogs te/ /srid
iiif viewer powered by OpenSeadragon
Texts on this page
D316 - 'phags pa bden pa bzhi'i mdo