rKTs

e-texts navigator

Volume

Page

154a₁ skye ba 'di blang ngo zhes bsams pas kyang skye ba mi len to/ /bdag gis dbang phyug chen po la sogs pa la brten te mtho ris su skye bar bya'o snyam pas kyang ma yin no/ /bdag mtho ris dang ngan song gar 'dod par skye bar bya'o snyam pas kyang ma
154a₂ yin no/ /ci yang ma byas te rgyu rkyen la brten mi dgos par skye'o snyam pas kyang ma yin no/ /phung po 'di zhig ste shi nas ci yang med do zhes smra ba yang ma yin no/ /'dir tshe 'phos nas pha rol na gshin gyi khams su mu chags su mchis pas 'di na ci spyod pa
154a₃ byed de skye ba mi len zhes zer ba yang ma yin no/ /tshe 'di'i rnam par shes pa ma 'gags par rnam par shes pas skye ba len zhes zer ba yang ma yin no/ /'di dang pha rol gnyi gar phung po dus gcig yod ces zer ba yang ma yin no/ /grum po las grum por skye/
154a₄ dkar po las dkar por skye zhes bya ba la sogs pa yang ma yin no/ /lha tshe 'phos pa yang lhar skye'o/ /mi tshe 'phos pa yang mir skye'o zhes zer ba yang ma yin no/ /dge bas ngan song dang mi dge bas mtho ris su 'grub ces zer ba yang ma yin no/ /shes pa
154a₅ gcig las mang po 'phel ba yang ma yin no/ /dge ba ma byas kyang lhar skye ba dang / mi dge ba ma byas kyang ngan song du skye ba yang ma yin no/ /skye ba ni byed pa pos byas pa yang ma yin no/ /de dag ci'i phyir ma yin zhe na/ kha ton gyi dpe la gang dag gis rnam par shes
154a₆ pa 'di ma 'gags par pha rol tu skye ba len no zhes zer ba'i skyon bsal ba'i phyir sa bon gyi dpe bstan te/ sa bon de ma rul bar myu gu skye na ni bdag tu smra ba dag bden na sa bon de rul nas snga ma las gyur te mi 'dra bar gyur pa las myu gu skye'o/ /mar me'i dpe la
154a₇ gang gis mar me gcig las gcig sbar na gnyi ga yod pas 'di dang pha rol gnyi gar phung po dus gcig yod do/ /zhes zer ba'i skyon bsal ba'i phyir sgra'i dpe bstan te/ brag ca ni mis ma brjod par sgra mi grag ste/ dus gcig tu mi 'byung bas phung po yang dus

_{iiif viewer powered by OpenSeadragon}

153b - 154b

Texts on this page