rKTs

e-texts navigator

Volume

Page

153b₁ gcig pa dang tha dad pa ma yin pa'i dpe'o/ /kye rgyal po chen po dpe brgyad po 'di tshang bar ma smos te/ 'ga' zhig bstan na dbang phyug dang / 'dod rgyal dang / gyi na dang / rgyu med par smra ba dag gis dge sbyong gau ta ma'i dpe 'di dag kha ton gyi dpes ni 'di'i phung po dang /
153b₂ rnam par shes pa gnyis ma bral bar pha rol tu rnam par shes pa 'pho bar 'gyur zhes smra ba dag dgag pa'i phyir dpe lhag ma rnams bstan to/ /mar me'i dpes ni 'di dang pha rol gnyi gar phung po dus gcig yod do/ /zhes zer ba dag dgag pa'i phyir dpe
153b₃ lhag ma rnams bstan to/ /me long gi dpes ni 'dra ba'i dpe yin pas grum po las grum por skye/ dkar po las dkar por skye'o zhes zer ba dag dgag pa'i phyir dpe lhag ma rnams bstan to/ /rgya'i dpes ni lha 'phos pa lhar skye/ mi 'phos pa mir
153b₄ skye ba la sogs pa nges pa'o zhes zer ba dag dgag pa'i phyir dpe lhag ma rnams bstan to/ /me shel gyi dpes ni mi 'dra ba'i dpe yin pas dge bas ngan song dang mi dge bas mtho ris 'grub bo zhes zer ba dag dgag pa'i phyir dpe lhag ma rnams bstan
153b₅ to/ /sa bon gyi dpes ni shes pa gcig las mang por 'phel lo zhes zer ba dag dgag pa'i phyir dpe lhag ma rnams bstan to/ /skyur gyi dpes ni myong ba'i dpe yin pas lha'i lo rgyus yod pa dag dge ba'i bsod nams ma byas kyang lhar skye'o/ /ngan song gi lo rgyus
153b₆ yod pa dag mi dge ba ma byas kyang ngan song du skye'o/ /zhes zer ba dag dgag pa'i phyir dpe lhag ma rnams bstan to/ /sgra'i dpes ni byed pa po'i dpe yin pas rgyu rkyen las ma byung ngo / /zhes zer ba dag dgag pa'i phyir dpe lhag ma rnams bstan to/ /de'i phyir dpe
153b₇ brgyad bstan to/ /kye rgyal po chen po tshe zhig ste pha rol tu skye ba med de/ chad pa dang 'gag pa yang ma yin no/ /tshe 'di dngos po rtag pa ma nyams par pha rol tu 'pho ba yang ma yin no/ /tshe 'di la ma bsten par pha rol tu skye ba len pa yang ma yin no/ /bdag gis

_{iiif viewer powered by OpenSeadragon}

153a - 154a

Texts on this page